Tuesday 20th February 2024

    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान    खबरब्रेकिंग अनलाइन मिडियाका अध्यक्ष तथा प्रधान गैरे सम्मानित    कला सेरेङको कविता तथा गीत सङ्ग्रह ‘कलाका अन्तर्मन’ सार्वजनिक    एल एण्ड एन मोडल एजेन्सीको आयोजनामा ‘के टाउन रनवे २०२४’भव्य र सभ्य रुपमा सम्पन्न

सरकार गिराएर राजनीतिक बेइमानी गरेको आरोप:बामदेव गौतम

Thursday, March 16, 2017 National Power

 

३ चैत, धनगढी – प्रधानमन्त्री पुष्पकमल दाहाल (प्रचण्ड)ले पटक-पटक राजनीतिक बेइमानी गरेको नेकपा एमालेका उपाध्यक्ष बामदेव गौतमले टिप्पणी गरेका छन् ।
कैलालीको धनगढीमा बिहीबार आयोजित मेची महाकाली अभियानका क्रममा आमसभालाई सम्बोधन गर्दै गौतमले आफैं सम्मिलित सरकार र त्यसको उच्चस्तरीय राजनीतिक संयन्त्रको संयोजक हुँदाहुँदै बिनाकारण सरकार गिराएर राजनीतिक बेइमानी गरेको आरोप लगाए । उनले भने, ‘डाँकाहरुमा त अलिकति नैतिकता हुन्छ, तर प्रचण्डमा त्यो देखिएन ।’

नाकाबन्दीको डटेर सामना गरेको केपी ओली सरकार भारतले ढालेर प्रचण्डलाई प्रधानमन्त्री बनाएको उनले बताए । एमालेको मेची-महाकाली राष्ट्रिय अभियानलाई देशी बिदेशी शक्ति मिलेर समाप्त पार्न खोजेकाले गरेकोले यो अभियानको आयोजना गरेको गौतमले बताए ।

सरकारी कामकाजमा नेपाली भाषा परिवर्तन गरी हिन्दीलाई राष्ट्रिय भाषा कायम गर्ने योजनासहितको संविधान संशोधन प्रस्ताव कुनै हालतमा पारित हुन नदिने गौतमले प्रष्ट पारे । हिन्दीलाई सरकारी कामकाजको भाषा बनाइए तराईमा बोलिने भोजपुरी, मैथली, अवधी लगायतका भाषाहरु लोप हुने खतरा पनि नेता गौतमले औल्याए ।