करेण्ट लागेर एक कर्मचारीको मृत्यु, ४ घाइते

३० फागुन,तुलसीपुर– दाङको तुलसीपुरमा गएराती करेण्ट लागेर एकजना विद्युत कर्मचारीको मृत्यु भए्को छ भने ४ जना घाइते भएका छन् ।

नेपाल विद्युत प्राधिकरण वितरणकेन्द्र तुलसीपुरको सवस्टेसनबाट रोल्पाको सिमेन्ट उद्योगका लागि बे्रकर (लाइन काट्ने र बन्द गर्ने सूईच) राख्ने क्रममा कैलालीका देशराम डगौराको करेन्ट लागेर मृत्यु भएको हो । घटनामा ४ जना घाइतेमध्ये गम्भिर घाइते भएका खिमलाल चौंधरीलाई नेपालगञ्जमा सामान्य उपचार पछि थप उपचारका लागि लखनउ रिफर गरिएको छ । घटनाबारे अनुसन्धान भइरहेको नेपाल विद्युत प्राधिकरण वितरण केन्द्रका प्रमुख टंकराज गिरीले जानकारी दिए ।