Sunday 14th July 2024

    चलचित्र कलाकार संघ र महर्षि वैदिक फाउण्डेसनको ध्यान एवं योगासनको अभ्यास कार्यक्रम सम्पन्न    Writers Corner Nepal welcomed the esteemed Indian poet Dr. Bhawani Shankar    नेपाली कांग्रेस जन सम्पर्क समिति अल कासिमको सभापतिमा टिकाराम तामाङ चयन    Esteemed Indian poet Nil including 16 Nepali poets recited the poem    कार्कीको नेतृत्वको फान यूएसए च्याप्टरलाई कलाकार संघको आधिकारिता

भारतीय प्रहरीको गोली लागेर एक नेपालीको मृत्यु

Thursday, March 9, 2017 National Power

२६ फागुन, महेन्द्रनगर – कञ्चनपुरको पुनर्वासमा निर्माणको विवादले उग्र रुप लिएपछि भारतीय प्रहरीको गोली लागेर एक नेपालीको मृत्यु भएको छ । स्थानीयका अनुसार भारतीय हस्तक्षेपविरुद्ध प्रतिकारमा उत्रिएका नेपालीमाथि भारतीय पक्षले १२ राउण्ड गोली प्रहार गरेको छ भने भारतीय प्रहरीको गोली लागेर स्थानीय गोबिन्द गौतमको मृत्यु भएको छ ।  गोली लागेर घाइते भएका गौतमलाई उपचारका लागि धनगढी लैजाने क्रममा मृत्यु भएको हो ।


घटनामा नेपाल प्रहरीका जवानसहित थुप्रै नेपाली घाइते भएको सशस्त्र प्रहरीले जानकारी दिएको छ । पुनर्वासको आनन्दबजारस्थित नेपाली भूमिमा नेपालीहरुले कल्भर्ट निर्माण गर्न लाग्दा गुगल म्यापले भारतको भूमि देखाएको भन्दै भारतीय एसएसबीले हस्तक्षेप गरेपछि स्थानीय नेपाली प्रतिकारमा उत्रिदा भारतीय पक्षबाट गोली चलेको सशस्त्र प्रहरीले जनाएको हो ।