Thursday 17th July 2025

    ‘गाईजात्रा महोत्सव’ साउन २४ गतेदेखि, १४ कमेडियनले प्रस्तुति दिने    “बज्र इको क्लब”लाई अष्ट्रेलियाबाट 'वातावरण संरक्षण पुरस्कार' प्रदान    डिबी र सुनिताले ल्याए रोमान्टिक गीत ‘म त गाउँले ठिटो’    ‘मिस एण्ड मिसेस गुरुङ २०८२’को खोजी सुरु, असार २६ मा पहिलो अडिसन    १५ सदस्यीय कार्यसमिति चयन गर्दै राष्ट्रिय श्रष्टा तथा प्रस्तोता प्रतिष्ठानको दोस्रो वार्षिक साधारणसभा सम्पन्न

६३ जिल्लाको वडासहित स्थानीय तहमा विभाजन

Thursday, March 9, 2017 National Power

२६ फागुन, काठमाडौं –  स्थानीय तह निर्धारण आयोगको प्रतिवेदन निर्वाचन आयोगलाई सरकारले बुझाएको छ। ६३ जिल्लाको वडासहित स्थानीय तहमा विभाजन गरिएको छ ।

बाँकी १२ जिल्लाको वडा भने  विभाजन गरिएको छैन।स्थानीय तहको संख्या पछि थपिएको २ नम्बर प्रदेशका ८ जिल्ला, काठमाडौं, नुवाकोट, मनाङ र बझाङ जिल्लाका स्थानीय तहको भने वडा विभाजन गर्न बाँकी छ  भने,बाँकी जिल्लाको एक–दुई दिन भित्रै टुंग्याएर प्रतिवेदन दिने बताइएको छ।

सरकारले निर्वाचन आयोगलाई बुझाएको स्थानीय तह निर्धारण आयोगको प्रतिवेदनले अझै पूर्ण रुपमा आधिकारिक भइसकेको छैन। सरकारले राजपत्रमा प्रकाशित गरेपछि पूर्ण आधिकारिकता प्राप्त हुने प्रतिवेदनमा सरकारले निर्वाचन आयोगका लागि अत्यावस्यक तयारी गर्नका लागि मात्र बाटो खुलेको हो। प्रतिवेदन पाएसँगै अब निर्वाचन आयोगलाई निर्वाचन केन्द्र तोक्न, गाउँपालिका तथा नगरपालिका र तीनका वडा अनुसार मतदाताको तथ्यांक निकाल्न, कर्मचारी तथा सुरक्षाकर्मी र निर्वाचन सामग्रीको तयारी गर्न बाटो खुलेको छ। निर्वाचन आयोगले प्रत्येक निर्वाचन केन्द्रमा पाँच देखि नौ जनासम्म कर्मचारी परिचालन गर्ने तयारी गरेको छ।

सरकारले निर्वाचन स्थानीय तह पुनर्संरचना आयोगको प्रतिवेदन अनुसार स्थानीय तहमा ७४४ नै इकाइ रहनेगरी आयोगलाई मंगलबार नै पत्र पठाएको थियो।