एमालेको मेची–महाकाली अभियान रोक्न भन्दै बन्द आहृवान

२३ फागुन, राजविराज – एमालेको मेची–महाकाली अभियान रोक्न भन्दै बन्द आहृवान गरेको मधेसी मोर्चाका कार्यकर्ताहरुले सोमबार विहानैदेखि प्रदर्शन थालेका छन् ।

मधेसी मोर्चाका कार्यकर्ताले राजविराज, कञ्चनपुर, भारदह लगायतका क्षेत्रमा प्रदर्शन गरेका छन् । उनीहरुले पूर्व–पश्चिम राजमार्ग समेत अवरुद्ध पारेका छन् ।
बन्दको अवज्ञा गरेको भन्दै मोर्चाका कार्यकर्ताले शम्भुनाथ नगरपालिकामा झण्डै आधा दर्जन सवारी साधन तोडफोड गरेका छन् । प्रहरीले गाडी स्कर्टिङ गरेर लैजान लागेको भन्दै बन्दकर्ताले तोडफोड गरेका हुन् ।

नेकपा एमालेका कार्यकर्ताको मेची–महाकाली अभियान इटहरीबाट आजै सप्तरी पुग्ने कार्यक्रम रहेको छ ।

एमाले र मधेसी मोर्चा आमने–सामने हुने भएपछि सप्तरीमा सुरक्षा व्यवस्था कडा पारिएको छ ।