Saturday 24th February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

अरूसंग लागेकाे भन्दै प्रेमिकालाइ तेजाब प्रहार गरी हत्या

Monday, February 6, 2017 National Power

माघ २४, रुपन्देही–रुपन्देहीमा एक प्रेमीले प्रेमिकालाई तेजाब प्रहार गरि हत्या गरेको पुष्टि भएको छ । आईतबार राती धादिङ नौबिसेका २८ बर्षिय सुनिल कोईरालाले प्रेमिका नवलपरासी गैडाकोट नगरपालिका वडा नं.५ बस्ने २७ बर्षिय तुल्सा सापकोटालाई तेजाब खन्याई हत्या गरेको रुपन्देही प्रहरीले जनाएको हो ।
३ बर्षदेखि संगै बस्दै आएका दुवैजना आईतबार रुपन्देहीको बुटवलस्थित मेरी डियन होटलको कोठा नं १ सय ३ मा बसेका र राती सुनिलले प्रेमिका तुलसालाई तेजाब खन्याएको रुपन्देही प्रहरी प्रवक्ता बेल बहादुर पाण्डेले जानकारी दिए ।
तेजाब प्रहारबाट गम्भीर घाईते तुलसालाई उपचारका लागी बुटवलकै लुम्बिनी अंचल अस्पतालमा लगिए पनि त्यहा उपचार हुन नसकेपछि भैरहवा स्थित मेडिकल कलेजमा लगिएको थियो । उपचारकै क्रममा तुल्साको सोमबार दिउँसो करिब १२ बजे मृत्यु भएको प्रहरी प्रवक्ता पाण्डेको भनाई छ । ‘होटलमा संगै बसेर दुवै जनाले मदिरा सेवन गरेको र हत्या गर्ने मनसायले नै तेजाब प्रहार गरिएको प्रारम्भिक अनुसन्धानबाट देखिएको छ’ पाण्डेले भने । अभियुक्त कोईरालालाई पक्राउ गरी अनुसन्धान भैरहेको प्रहरीले जनाएको छ ।