स्ववियु निवार्चन स्थगित गरिएको विरोधमा नारावाजी

१७ फागुन,काठमाण्डौँ–स्ववियु निवार्चन स्थगित गरिएको विरोधमा काठमाण्डौँस्थित बानेश्वर बहुमुखी क्याम्पसमा एमाले निकट अनेरास्ववियु र माओवादी केन्द्र निकट अखिल क्रान्तिकारीले विरोध प्रदर्शन गरेका छन् ।
स्ववियु निर्वाचन स्थगित गरेको सूचना क्याम्पस प्रशासनले टाँस गरेको विरोधमा एमाले निकट अनेरास्ववियु,नेकपा माओवादी केन्द्र निकट अखिल क्रान्तिकारी लगायतका विद्यार्थी संगठनले मंगलबार विहान क्याम्पस प्रशासन विरुद्ध नारावाजी गरेका हुन् ।
नेपाल विद्यार्थी संघको मिलोमतोमा क्याम्पस प्रशासनले एकलौटी ढंगले स्ववियु निर्वाचन स्थगित गरेको विरोध प्रदर्शनमा उत्रिएका विद्यार्थीहरुको आरोप लगाएका छन् । निर्वाचन स्थगित गर्ने सूचना टाँस गरेकाले विरोधमा उत्रनु परेको अनेरास्ववियु बानेश्वर क्याम्पस इकाई कमिटीका पूर्वअध्यक्ष टिका सुवेदीले बताए