Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

सुदुरपश्चिमका शिव मन्दिरमा भक्तजनको भीड

Friday, February 24, 2017 National Power

१३ फागुन,डोटी-हिन्दूको महान् पर्व शिवरात्रिका अवसरमा डोटी लगायत सुदुरपश्चिमका विभिन्न जिल्लाका शिवालयमा आज बिहानैदेखि पूजापाठका लागि हिन्दू धर्मावलम्वीको भीड लागेको छ ।

जिल्लाको दिपायल सिलगढी नगरपालिकामा रहेको ऐतिहासिक एवम् पुरातात्विक महत्व बोकेको बाईधारा, राजपुरको पञ्चेश्वर महादेवको मन्दिर, भागेश्वर महादेव मन्दिर,अछामको बैद्यनाथ मन्दिर, कञ्चनपुरको सिद्धबाबा कैलालीको गोदावरी क्षेत्र, बेहेडाबाबा धाम, उत्तरबेहेडीमा रहेको सिवपुरीधाम लगायतका स्थानमा पूजाअर्चनाका लागि भीड लागेको छ ।

आज बिहान ४ बजेदेखि फूलमाला, बेलपत्र, धतुर, मिस्टान्न तथा फलफूलसहित रङ्गीचङ्गी लुगा लगाई महिला, पुरुष, बालबालिका, वृद्धवृद्धा विभिन्न सिवालयमा पुजाअर्चना गरिरहेका छन् । आजको दिन शुद्ध भई शिवको पूजापाठ तथा व्रत बस्नाले सुख, समृद्धि तथा दीर्घायु हुने जनविश्वास रहेको छ । यस्तै सिवरात्रिको अवसरमा कञ्चनपुरमा ठुलो मेला लागेको छ । महेन्द्रनगरको शिवधाममा शिवरात्री मेला लागेको छ ।
शिवरात्रि मेलाका कारण सुदुरपश्चिमाञ्चल औद्योगीक तथा कञ्चनपुर पर्यटन मेलामा पनिमा निसहरुको निकै भिड लागेको छ । मेलाका कारण महेन्द्रनगर वजार मा जनसागर उर्लियको र त्यसले गर्दा व्यापारमा निकै वृद्धि भएको व्यापारीहरुले वताएका छन ।