धनगढी १५ माघ
नेकपा एमालेका उपाध्यक्ष भीम रावलले स्थानीय तह पुर्नसंरचना आयोगको प्रस्तावकै आधारमा सरकारले स्थानीय तह निर्वाचनको मिति चाडै घोषणा गरिनु पर्ने बताउनु भएको छ ।
प्रेस चौतारी नेपालको सात नम्बर प्रदेश भेलाको आज कैलालीको टिकापुरमा उद्घाटन गर्दै उहाले नेपाली जनता र राष्ट्रको हित विपरीत रहेको संबिधान संशोधन प्रस्ताव संसदबाट कुनै हालतमा पारित हुन नसक्ने दावि गर्नुभयो ।
उपाध्यक्ष रावलले मुलुकलाई निकास दिन स्थानीय तह निर्वाचनको बिकल्प नरहेको र त्यसका लागि सरकारलाई एमालेको सहयोग रहने बताउनु भयो ।
भेलामा एमाले सचिव योगेश भट्टराई, प्रचार प्रसार उपप्रमुख सूर्य थापा लगायतले बोल्नु भएको थियो । भेलामा सात नम्बर प्रदेशका नौ वटै जिल्लाबाट प्रतिनिधिको सहभागिता रहेको बताइएको छ ।
-जगत साउद