Friday 12th August 2022

    गायिका शोभा क्षेत्री को तिज गीत नाँचिदेउ पातली सार्वजनिक ( भिडियो सहित )    कतार प्रहरीको आकर्षक रोजगारी फेरि विवादमा, अवसर नगुमाऊन सरोकारवाला निकायलाई आग्रह    साङ्ला बालकुमारी मा.विको व्यवस्थापन समितिको अध्यक्षमा थापा चयन    श्रीमान भारतबाट फर्केको रात पत्नी र दुई नाबालकको शंकास्पद मृत्यु    विद्यालयको व्यवस्थापन समितिको अध्यक्षमा सानुकाजी थापा चयन 

टेलिकमले ल्याउँदै छ ‘पैंचो’ सेवा

Monday, January 23, 2017 National Power

नेपाल टेलिकमले जिएसएम मोबाइलका प्रिपेड ग्राहकका लागि ब्यालेन्स सापटी लिन मिल्ने ‘पैंचाे’ सेवा सञ्चालनमा ल्याउने तयारी अन्तिम चरणमा पुर्याएको छ। ब्यालेन्स सकिएर अपर्झट पर्दा उपभोक्ताले निश्चित रकम सापटी वा पैंचाे लिन सक्ने गरी उक्त योजना ल्याउन लागेको टेलिकम प्रवक्ता प्रतिभा वैद्यले बताइन्।

‘यसका लागि आवश्यक प्राविधिक तयारीका लागि हाल टेलिकम टेण्डर आह्वान गर्ने प्रक्रियामा पुगेको छ,’ उनले भनिन्, ‘सापटी योजना सेवा सञ्चालनमा ल्याउने भनिए पनि कहिलेबाट सञ्चालनमा आउँछ भन्ने बारे यकिन भइसकेको छैन।’

दूरसञ्चार सेवा प्रदायक निजी कम्पनी एनसेलले यसअघि नै यस्तो सापटी सेवा सञ्चालनमा ल्याइसकेको छ। एनसेलको सापटी सेवामा उपभोक्ताको ठूलो सहभागिता रहेको थियो। एनसेलले २० रुपैयाँसम्म सापटी लिन सक्ने गरी सेवा सञ्चालनमा ल्याएको थियो।

टेलिकमले सञ्चालनमा ल्याउने सापटी सेवाअन्तर्गत कति रकम सापटी लिन सकिन्छ भन्ने बारे यकिन भइसकेको छैन। यद्यपी, टेलिकमले ल्याउने सापटी सेवाबाट लाखौं उपभोक्ताहरु आकर्षित हुने अनुमान टेलिकमको छ।