ब्याट एन्ड बल फाउन्डेसनले डेव ह्वाटमोरलाई नेपाल ल्याउँदै

विश्वकप विजेता श्रीलंकाका पूर्व क्रिकेट प्रशिक्षक डेव ह्वाटमोर नेपाल आउने भएका छन् । अर्को साता सार्वजनिक हुन लागेको ब्याट एन्ड बल फाउन्डेसनले नेपाली क्रिकेटसँगको सम्बन्ध जोड्न १८ दिनका लागि ह्वाटमोरलाई नेपाल ल्याउन लागेको हो ।

ह्वाटमोर शनिबार काठमाडौं आइपुग्ने छन् । उनले नै ब्याट एन्ड बल फाउन्डेसनको उद्घाटन गर्ने कार्यक्रम छ । त्यसअघि उनले दुईदिने प्रशिक्षण कोर्समा नेपाली प्रशिक्षकसँग आफ्नो अनुभव बाँड्ने कार्यक्रम छ । फाउन्डेसनको खर्चमा आउन लागेका ह्वाटमोरसँग त्यसपछि नेपाली खेलाडीले एउटा क्याम्पमा प्रशिक्षण लिनेछन् । उक्त क्याम्पमा राष्ट्रिय टोलीका दुई दर्जन र नेपाली यू–१९ का १० खेलाडी समावेश हुने जनाइएको छ ।

फाउन्डेसनका अध्यक्ष पारस शाक्यले भने, ‘यो हाम्रो पहलमा भएको हो, नेपाली क्रिकेट कठिन स्थितिबाट गुज्रिरहे पनि क्रिकेटले राम्रो गरिरहेको सन्देश हामीले दिन लागेका हौं । नेपाली क्रिकेटका लागि एउटा क्याम्प गर्न उहाँले सहर्ष स्वीकार्नुभयो । उहाँ जस्तो हाईप्रोफाइल प्रशिक्षकको शिक्षा पाउँदा हाम्रा खेलाडीले पनि त्यसको फाइदा लिन सक्छन् ।’

श्रीलंकन मूलका ह्वाटमोरले अस्ट्रेलियाका लागि ७ टेस्ट र १ एकदिवसीय अन्तर्राष्ट्रिय खेलेका थिए । उनकै प्रशिक्षणमा श्रीलंकाले १९९६ को विश्वकप जितेको थियो । उनले बंगलादेश, पा