साल्ट ट्रेडिङ कर्पोरेसन लिमिटेडको ६२ औं वार्षिकोत्सव सम्पन्न

काठमाडौं । साल्ट ट्रेडिङ कर्पोरेसन लिमिटेडले आफ्नो ६२ औं वार्षिकोत्सवको अवसरमा आइतबार रक्तदान कार्यक्रमको आयोजना गरेको छ । उक्त रक्तदान कार्यक्रम कर्पोरेशनको केन्द्रिय कार्यालय कालिमाटीमा विहान ११ बजेदेखि सुरु भएको हो । सो रक्तदान कार्यक्रमको शुभारम्भ साल्ट ट्रेडिङ कर्पोरेसन लिमिटेडका संचालक समिति अध्यक्ष प्रदिपलाल श्रेष्ठले गर्नुभएको थियो । कर्पोरेशनले स्थापना दिवस मनाउने क्रममा प्रत्येक वर्ष भाद्र २७ गते आयोजना गर्ने बार्षिकोत्सव समारोहको पूर्वसन्ध्यमामा मृगौला रोग समाजको सहयोगार्थ रक्तदान कार्यक्रम नियमित संचालन गर्दै आएको छ ।

कर्पोरेसनको कालिमाटीस्थित केन्द्रीय कार्यालय परिसरमा आयोजित कार्यक्रममा रक्तदाताहरुकोे उत्साहजनक उपस्थिति रहेको कर्पोरेशनका विभागिय प्रबन्धक ब्रजेश कुमार झाले जानकारी दिनुभएको छ । कार्यक्रममा कर्पोरेसनका संचालक समिति सदस्य नारायणदास मानन्धर लगायतका उच्च पदस्थ अधिकारीहरुको समेत उपस्थिति रहेको थियो । सो अवसरमा शेयर धनी, कर्मचारी परिवार, डिलर, पत्रकार, शुभेच्छुक आदीले रक्तदान गर्नुभएको थियो ।