चर्चित नायक सागर घिसिङ अभिनित ‘पोङ्दी नाम्साला साँईली’ बोलको भिडियो सार्वजनिक

काठमाण्डौ –  चर्चित नायक सागर घिसिङ अभिनित नयाँ म्यूजिक भिडियो सार्वजनिक भएको छ । ‘पोङ्दी नाम्साला साँईली’ बोलको तामाङ दोहोरीमा सागर फरक अवतारमा देखिएका छन् । विशेष गरी रोमान्टिक म्युजिक भिडियो र चलचित्रमा देखिँदै आएका सागर यसपटक नृत्य गर्दै भिडियोमा देखिएका छन् । उनीसँगै कलाकारहरु लाक्पा लामा र रेजिना योञ्जनले भिडियोमा उत्कृष्ट अभिनय गरेका छन् ।

चर्चित गायक अविषेक तामाङ र गायिका सुमिना लोको आवाजसमा सजिएको यो गीतमा ङीमा दोङ र पवन लामाको शब्द रहेको छ । पवन लामाको सँगीतमा तयार भएको गीतमा जोगलाल लामाको एरेञ्ज रहेको छ । फणिन्द्र राईको एरेञ्ज मोडिफिकेसनमा तयार भएको गीतलाई दिपेश प्रधानले मिक्सिङ मास्टरिङ गरेका हुन् ।

गीतको म्युजिक भिडियोलाई विवेक लामाले छायाँकन र सम्पादन गरेका छन् । म्युजिक भिडियोलाई प्रतिक ङेस्युरले निर्देशन गरेका हुन् । गीतको म्युजिक भिडियो गायक अभिषेक तामाङकै युट्युब च्यानलबाट सार्वजनिक भएको हो ।