Thursday 28th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न

Monday, August 8, 2022 Devil Singh Rajput

चितवन । कार्पेट,म्याट्रेस उत्पादक कम्पनी हेरिटेज ग्रुपले सौराहामा अधिराज्यव्यापी अधिकृत बिक्रेता कार्यगोष्ठी सम्पन्न गरेको छ । देशभरका ३५ ठाउंँका डिलरसिप बीच अन्र्तक्रिया, समीक्षा र उत्पादनको प्रर्वद्धन गर्ने उद्धेश्यले शुक्रबार उक्त कार्यक्रम राखिएको थियो । कार्यगोष्ठीमा ३५ जिल्लाका डिलर, वितरक, प्रर्वद्धकहरुको सहभागिता रहेको थियो । कार्यक्रममा कोभिडको समय र पछिल्लो बजारको अवस्था, चुनौति, समाधानका उपायका बारेमा छलफल अन्तर्किया, ज्ञान आदान प्रदान गरिएको कम्पनीले जनाएको छ ।

कार्यक्रमका प्रमुख अतिथि उद्योग वाणिज्य संघ, चितवनका अध्यक्ष चुननारायण श्रेष्ठले कम्पनीले चितवन केन्द्र बनाएर कार्यक्रमको आयोजना तथा उत्पादनको बिक्री प्रर्वद्धन गरेको भन्दै प्रशंसा गरे । चितवन देशकै केन्द्रभाग र हरेक उत्पादन तथा वितरणको केन्द्र बन्न सक्ने भन्दै चितवन आफै उपभोगको ठूलो बजार भएको उनको भनाई थियो । कम्पनीका बिक्री प्रबन्धक प्रयागराज ओझाले कम्पनीको उत्पादनको माग , आपूर्ति, सेवा, पृष्ठपोषणका बारेमा अन्र्तडिलरसीप अन्र्तक्रिया गरिएको बताए ।‘ आर्थिकमन्दी, सुस्त आर्थिक गतिविधि भएको बेला, उनीहरुलाई प्रोत्साहन हौसला दिन र आगामी दिनका योजनाका बारेमा छलफल सुझावका लागि यो कार्यक्रम राखेका हौं ।’ उनले भने । सो अवसरमा कार्यक्रमका सिइओ रमेश काफ्लेले कम्पनीको प्रोफाइलका बारे प्रस्तुतिकरण गरेका थिए ।

कार्यक्रमका अध्यक्ष हेमराज ढकालले प्रतिस्प्रर्धात्मक बजारमा कसरी आफ्नो उत्पादनको गुणस्तर तथा बिक्री वितरण बढाउने बिषयमा प्रकाश पारेका थिए । उनले कम्पनीको विगत वर्तमान, भविष्यको नीति तथा कार्यक्रमका बारेमा प्रष्टाएका थिए । कार्यक्रम सृजना तामा्रकारले सञ्चालन गरेकी हुन् । हेरिटेजले झण्डै दुईदशकदेखि डाईमण्ड गोल्ड, प्लाटिनयम गुणस्तरका कार्पेट ,म्याट्रेसहरु घर, कार्यालय होटल लगायतका स्थानहरुमा विक्री वितरण गर्दै आएको छ ।