दिपा श्री र रजनीको मौलिकता झल्काउने तीज गीत ‘दिदिबहिनी’ सार्वजनिक

काठमाण्डौ -पछील्लो समय छक्का पञ्जा सिरिजको चलचित्रबाट नाम र दाम कमाएकी अभिनेत्री दिपा श्री निरौलाको अभिनय तथा निर्देशन रहेको मौलिकता झल्काउने तीज गीत ‘दिदीबहिनी’ सार्वजनिक भएको छ ।

आज भोली पहिलेको जस्तो तीज गीतहारु आउनै छाडे, तीज भनेको नारीहरुको महान चाड हो, यसले देशको संस्कृति, नारीहरुको सभ्यता झलकाउंछ । तर आज भोली त्यस्तो गीतहरु कमै मात्र बन्ने गरेको छ, अभिनेत्री दिपा श्रीले तेजनेपाललाई बताईन । हामीहरुले यस्पाली भने तीजको मौलिकता झल्काउने भिडियो बनाउने कोशीस गरेका छौं जसलाई दर्शकहरुले मनपराईदिनु हुन्छ भन्ने आशा रहेको कुरा पनि निर्देशक निरौलाले थपिन ।

भिडियोमा दिदीको रुपमा स्वयम अभिनेत्री दिपा श्री देखा परेकि छिन भने उनलाई बहिनी बनेर नायिका रजनी के सिले साथ दिएकी छिन । त्यस्तै अभिनेता निर्मल शर्मा ‘गैंडा’, गजित विष्ट, सुमा गिरी भान्जा, कमला लामिछाने लगायतको पनि अभिनय देख्न सकिन्छ । भिडियोलाई सह निर्देशन निर्मल शर्माले गरेका हुन भने वरिष्ठ छांयाकार राजु के सिको छांयाकन, गजित विष्टको कोरियोग्राफी, सँगम विष्टको सह कोरियोग्राफी, टेकेन्द्र शाहको सम्पादन रहेको छ ।

शान्ति श्री परियार, लक्ष्मी मल्ल र श्री कृष्ण बम मल्लको स्वरले सुसज्जित गीतमा स्वयम गायक मल्लकै शब्द संगीत रहेको छ भने संगीत संयोजन योगेश काजीको रहेको छ । भिडियोलाई म्युजिक नेपालको अफिसियल युट्युब च्यानल मार्फत सार्वजनिक गरिएको छ ।