काभ्रेमा गठन भयो मोबाइल व्यवसायीहरुको संघ

बनेपा- मोबाइल व्यापारीहरुको हक हितको लागि मोबाइल व्यवसायीहरुको संघ गठन भएको छ । 

काभ्रेका मोबाइल व्यवसायीहरु एक जुट भएर संगठित भएका छन् । लामो समयदेखि मोबाइलको व्यवसायमा लागेका व्यवसायीहरुले काभ्रे मोबाइल व्यवसायी संघ गठन गरेका हुन् । मोबाइल व्यवसायीहरुको हकहित र स्वच्छरुपमा व्यवसाय प्रवर्द्धनका लागि संघ गठन गरिएको मोबाइल व्यावसायि संघका सदस्य दिपेन्द्र श्रेष्ठले राम्रो सन्देश लाई जानकारी दिए ।

संघको अध्यक्षमा सत्य श्रेष्ठ, उपाध्यक्षमा प्रेम दाहाल, सचिवमा पवनराज कर्णजित र कोषाध्यक्षमा मधुर दाहाल चयन भएका छन् । यस्तै सह- सचिवमा अमिर रन्जित, सह-कोषाध्यक्षमा विशाल ढकाल तथा कार्यसमिति सदस्यहरुमा दिपेन्द्र श्रेष्ठ, सुजन ताम्राकार र रोशन श्रेष्ठ चयन भएका छन् ।