Friday 16th April 2021

    इनरुवामा बहुभाषिक सांस्कृतिक कार्यक्रम हुने    'मिस टिन २०२१ प्रदेश १' को उपाधी साम्राज्ञी शर्माको हातमा    माथिल्लो तामाकोशीमा अस्वाभाविक ढिलाई भयो, अब सह्य हुँदैन कारबाही गरिन्छः प्रधानमन्त्री ओली    असारको अन्तिमसम्म छ लाख सङ्क्रमित पुग्ने प्रक्षेपण    समुन्नतद्धारा क्यान्सर सम्बन्धी सचेतनामुलक कार्यक्रम संचालन

मानसिक स्वास्थ्य र मनोवैज्ञानिक परामर्शका लागि अमेरिकाको सहयोग निरन्तर:राजदूत बेरी

Friday, February 12, 2021 National Power


 काठमाडौं – नेपालका लागि अमेरिकी राजदूत र्‍यान्डी बेरीले मानसिक स्वास्थ्य सुधारका लागि अमेरिकाले नेपाललाई निरन्तर सहयोग गरिरहेको बताएका छन् ।

नेपालमा मानसिक स्वास्थ्यसम्बन्धी भएको एक भर्चुअल कार्यक्रमलाई सम्बोधन गदै राजदूत बेरीले सन् २०१५ मा भूकम्पपछि अमेरिकाले विश्व स्वास्थ्य संगठनमार्फत् भूकम्प पीडितलाई मानसिक स्वास्थ्य र मनोवैज्ञानिक परामर्शसम्बन्धी सहयोग निरन्तर गरिरहेको जानकारी दिए ।

त्यसैगरी गत वर्ष कोभिड–१९ को महामारी सुरु भएपछि स्वास्थ्य मन्त्रालयलाई मानसिक स्वास्थ्यसम्बन्धी बृहत् प्राविधिक सहयोग, तालिम र विभिन्न उपकरणहरू प्रदान गरिएको पनि राजदूत बेरीले बताए ।

उनका अनुसार यस अवधिमा झण्डै १८ लाख परिवारलाई टेलिफोनमार्फत काउन्सिलिङ सेवा प्रदान गरिएको छ भने फिल्डमा खटिने स्वास्थ्यकर्मीलाई पनि सो सेवा प्रदान गरिएको छ । उनले नेपालमा मात्र नभई संसारभरि नै मानसिक रोगीहरूको संख्यामा निकै बढोत्तरी भएको र त्यसलाई सम्बोधन गर्नुपर्ने बताए ।

राजदूत बेरीले अहिले उपलब्ध सामाजिक सञ्जालको माध्यमको प्रयोग गरेर मानसिक स्वास्थ्यको समस्या समाधान गर्नुपर्नेमा जोड दिए ।