Friday 16th April 2021

    इनरुवामा बहुभाषिक सांस्कृतिक कार्यक्रम हुने    'मिस टिन २०२१ प्रदेश १' को उपाधी साम्राज्ञी शर्माको हातमा    माथिल्लो तामाकोशीमा अस्वाभाविक ढिलाई भयो, अब सह्य हुँदैन कारबाही गरिन्छः प्रधानमन्त्री ओली    असारको अन्तिमसम्म छ लाख सङ्क्रमित पुग्ने प्रक्षेपण    समुन्नतद्धारा क्यान्सर सम्बन्धी सचेतनामुलक कार्यक्रम संचालन

झम्क गौतमले गरे डाॅंडापारिका खेलाडीहरुलाई खेलकुद सामाग्री वितरण

Friday, February 12, 2021 National Power


काभ्रेपलान्चोक – जिल्लाको कर्णाली भनेर चिनिने दुर्गम डाॅंडापारि खानीखोला गाउॅंपालिका-४ फुलडाँडा पथरचोकका फुटबल खेलाडीहरुलाई पनौतिमा जर्सी वितरण गरिएको छ ।

गाउॅंमै रहेर खेल क्षेत्रमा रुची राख्ने १३ जना फुटबल खेलाडीहरुलाई बिहिवार जर्सी वितरण गरिएको हो । धुलिखेल -४ निवासी समाजसेवी तथा युवा नेता श्रीराम थापा र झम्क गौतमको सहयोगमा १३ सेट जर्सी एक कार्यक्रमका बिच खुसी समाज युवा क्लवका अध्यक्ष इकमान लामालाई हस्तान्तरण गरेका हुन ।

उक्त हस्तान्तरण कार्यक्रममा नेकपा काभ्रेका प्रभावशाली नेता दैवलाल घिसिङ(अनुशील)ले खेलकुद सामाग्री उपलब्ध गरि दुर्गम बस्तीका खेलाडीलाई सहयोग गर्नुभएकोमा श्रीराम थापा र झम्क गौतमलाई बिशेष धन्यवाद व्यक्त गरे ।

सहयोगी श्रीराम थापाले दुर्गमका खेलाडीहरुलाई सहयोग गर्न पाएको खुसी व्यक्त गर्दै गाउँ पालिकाको सबै वडाहरुमा खेलाडीहरुलाई जर्सी र खेलकुद सामाग्री वितरण गर्ने जानकारी दिए । खेलकुद सामाग्री उपलब्ध गरि सहयोग गर्ने दाताहरु सहयोग गर्न सहज गरि दिनुहुने मानुभावलाई क्लबका अध्यक्ष लामाले धन्यवाद व्यक्त गरे ।

उक्त कार्यक्रममा नेकपाका काभ्रेका युवा नेताकार्यकर्ता हरुको बाक्लै उपस्थिति रहेको थियो यसअघि श्रीराम थापा र झम्क गौतमले डाॅंडापारिका खेलाडीहरुलाई खेलकुद सामाग्री समेत वितरण गरेको थियो ।