बनेपामा सुगन्ध ब्युटि एण्ड हेयर मेकअप स्टुडियोको उद्घाटन

 अरबिन्द्र गौतम, काभ्रे
नायिका करिष्मा मानन्धरले काभ्रेको बनेपामा सुगन्ध ब्युटि एण्ड हेयर मेकअप स्टुडियो उद्घाटन गर्ने क्रममा गाँउका मानिसहरुले आफ्नो फेसमा ध्यान नदिएकाले बिस वर्षमा नै धेरै उमेर गएको जस्तो देखिने बताउनुभएको छ । मानन्धरले कोरोनाका कारण थलिएको अर्थतन्त्र माथी उठाउन साना–साना व्यापार व्यवसायले पनि धेरै साघाउनुको साथै बिशेष गरि महिलाहरुको लागी घर व्यावहार चलाउन साना व्यावसाय बाट नै धेरै फाइदा हुने भएकाले महिलाहरु यसमा अकर्षित भएको बताउनु भयो ।

घरायसी काम सँगसँगै आफ्नो व्यवसाय अघि बढाउन सहज हुने भएकाले विशेषगरी महिलाहरुलाई आर्थिक रुपमा सवल बनाउन, सौन्दर्य बढाउन, शरिरको हेरचाहका लागि पार्लरले सघाउने पनि नायिका मानन्धरले बताउनुभयो । कोरोनाका कारण सबै ब्यापार व्यावसाय ठप्प भएको अवस्थामा पनि ठुलो लगानीमा सुगन्ध ब्युटि एण्ड हेयर मेकअप स्टुडियो सञ्चालनमा ल्याइएको छ ।

रमिला रन्जितकार र कुमार मैनालीले करिब १८ लाख लगानी गरेर ब्युटि एण्ड हेयर मेकअप स्टुडीयो सञ्चालन गर्नुभएको हो । यहाँ ७ जनाले रोजगारी समेत पाउनेछन् । पार्लरले महिला र पुरुष दुवैको लागि सौन्दर्य सुविधा उपलब्ध गराउनुका साथै ट्रेनिङ पनि दिइने सञ्चालक रन्जितकारले जानकारी दिनुभयो ।