काठमाडौंमा एकैदिन १४२८ संक्रमित थप

काठमाडौं- काठमाडौं उपत्यकामा आज एकै दिन १४ सय २८ जना कोरोना संक्रमित थपिएका छन् । देशभर २५ सय ७१ जनामा कोरोना पुष्टि भएकोमा काठमाडौमा मात्रै १४ सय २८ जना थपिएसँगै जोखिम बढेको छ । स्वास्थ्य मन्त्रालयले जारी गरेको सुचनामा ११ हजार १ सय ७७ जनाको पिसीआर परिक्षणमा २५ सय ७१ जनाको रिर्पोट पोजेटिभ आएको हो ।

त्यसैगरी आज २४ घन्टामा १७९८जना कोरोना संक्रमण मुक्त भई घर फर्केका छन् । आजसम्म निको भई घर फर्कनेको सख्या १ लाख ५९ हजार ७ सय २४ रहेको छ । देशभर कुल संक्रमितको सख्या १ लाख ९७ हजार २४ पुगेको छ । आज काठमाडौं उपत्यकामा थपिएका १४ सय २८ जना मध्ये ६३० महिला र ७९८ पुरुष रहेका छन् ।