१२ सय २८ जना संक्रमित सहित आज ६ जनाको कोरोनाका कारण मृत्यु

काठमाडौ – नेपालमा कोरोना भाइरसका आज १२ सय २८ जना संक्रमित थपिएका छन् । यो संगै कुल संक्रमितको सख्या ४२ हजार ८ सय ७७ पुगेको छ । आज स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले संक्रमित संख्याबारे जानकारी दिएका हुन् ।

आजसम्म २४ हजार २ सय ७ जना संक्रमणमुक्त भएका छन् । आज मात्रै ९१७ जना संक्रमणमुक्त भएको डा. गौतमले जानकारी दिए । त्यस्तै कोरोना भाइरसको संक्रमणबाट आज ६ जनाको मृत्यु पुष्टि भएको छ । जसमा पछिल्लो २४ घण्टामा काठमाडौं उपत्यकामा ४४५ जनामा कोरोना भाइरस संक्रमण भएको छ । स्वास्थ्य तथा जनसंख्या मन्त्रालयका अनुसार काठमाडौं जिल्लामा ३५७, भक्तपुरमा ४२ र ललितपुरमा ४६ जना संक्रमित भेटिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आज ४ महिला र २ पुरुषको मृत्यु भएको हो ।

आज मृत्यु भएकासँगै अहिलेसम्म देशभर कोरोना संक्रमणबाट मृत्यु हुनेको संख्या २ सय ५७ पुगेको छ । जसमध्ये एक सय ८७ पुरुष र ७० महिला छन् । देशमा कोरोना संक्रमणबाट मृत्यु हुनेको दर ०.६० % पुगेको प्रवक्ता डा.गौतमले जनाएका छन्