Saturday 18th September 2021

    चलचित्र निर्देशक सुमन दाहालसहित विभिन्न व्यक्तिहरु सम्मानित    महिला चेम्बरकी सल्लाहकार निलम ताम्राकार बागमती प्रदेश नीति तथा योजना आयोगको सदस्य नियुक्त    काभ्रे प्रेस डट कम को तिज फोटो प्रतियोगितामा बिजेता बनिन् सुमित्रा सत्याल    क्योकुशिन–सेईसिन काईकान कराँते संघको २ नं. प्रदेश कमिटी गठन    साल्ट ट्रेडिङ कर्पोरेशन लिमिटेडको ५९ औ वार्षिकोत्सव समारोह सम्पन्न

अमेरिका खुफिया एजेन्सीले देख्यो चीनबाट खतराको संकेत, जासुसी, घुस र ब्ल्याकमेल सम्मको आरोप

Wednesday, July 8, 2020 National Power

एजेन्सी- अमेरिकाले चीनबाट सबैभन्दा ठुलो खतरा देखेको छ । उसले अमेरिकामाथि भविष्यसम्म चीनबाट ठुलो खतरा रहेको जनाएको हो ।

अमेरिकी खुफिया एजेन्सी एफबीआईका निर्देशक क्रिष्टोफर रेले चीनबाट बहु उद्देश्यका साथ अवरोधको अभियान चलिरहेको आरोप लगाए ।

वासिङटनको हुडसन इन्स्टिच्युटमा बोल्दै मंगलबार उनले चीन कुनै हालतमा सुपरपावर बन्ने गरी जेसुकै गतिविधि गर्ने गरी लागिपरेको आरोप लगाए । विभिन्न तथ्यांकहरु प्रस्तुत गर्दै अमेरिकी नीतिलाई असर पार्नेगरी जासुसी, घुस, ब्ल्याकमेल, गैरकानुनी राजनीतिक गतिविधि देखि महत्वपूर्ण डाटा र पैसा चोरी गर्ने जस्ता चिनियाँ हस्तक्षेपबारे उल्लेख गरे ।

चीनले विदेशमा रहेका चिनियाँ नागरिकलाई तारो बनाउन थालेको बताए । कोरोना भाइरससम्बन्धी रिसर्चमा रहेका चिनियाँ नागरिकलाई फर्कन वाध्य बनाउन खोजेको उनको भनाई थियो ।

चीनसम्बन्धी प्रतिजासुसी काम अगाडि बढाइएको क्रिष्टोफर रेले खुलाए । फक्स हन्ट रणनीति अन्र्तगत विदेशमा रहेका कतिपय चिनियाँलाई कि त चीन फर्कने कि त आत्महत्याको अवस्थामा पुर्याउने गरी तारो बनाइरहेको आरोप लगाए ।

पछिल्लो समय अमेरिका र चीनबीच सम्बन्ध चीसो हुँदै जाँदा एफबीआईका निर्देशकको भनाई आएको हो । कोभिड १९ को महामारीपछि अमेरिकाले चीनमाथि गम्भीर आरोप लगाउँदै आएको छ । दुवै देशबीच जमिन र समुन्द्रसम्म सैन्य प्रभाव बढाउने प्रतिष्पर्धा चलिरहेको छ ।