लायन्स क्लब अफ पोखरा पिसद्वारा खाद्यान्न तथा औषधी वितरण

काभ्रेपलान्चोक – लायन्स क्लब अफ पोखरा पिस सोसाईटिले लायन बर्षको सुरुवातमै खाद्यान्न तथा औषधी वितरण गरेको छ । पोखरा महानगरपालिका वडा नं. १५ स्थित पोखरा आरोग्य आश्रमका बृद्धवृद्धाहरुलाई खाद्यान्न तथा औषधी वितरण गरेको हो ।

कार्यक्रममा डिपार्टमेन्ट चिफ लायन होमबिलास सापकोटा, सँस्थापक अध्यक्ष लायन रुद्र केसी , जोन चेयरपर्सन प्रदीप बराल, आश्रमका अध्यक्ष नारायण शर्मालगायतले क्लबका नवनिर्वाचित अध्यक्ष तथा पदाधिकारीहरुलाई बधाई दिँदै लायन्सका गतिविधिले समाजमा छुट्टै छाप छोड्न सफल भएको र अझै धेरै सेवामूलक कामहरुमा जोड दिन आग्रह गरे ।

क्लबका अध्यक्ष लायन बोधराज रेग्मीको अध्यक्षतामा भएको कार्यक्रमको सञ्चालन सचिव लायन नरेन्द्रकुमार कार्कीले गरेका थिए ।