Thursday 17th June 2021

    कर्णालीका १० वटै जिल्ला अस्पतालका लागि प्रारम्भ र फाउण्डेशनको सहयोग    रत्न कुश रंजित र नवराज मानन्धरले गरे सालम चर्जलाई खाद्यान्न सहयोग    म जनता थिएँ जेल हाले, नरोत्तम नेता भएकाले माफी मागे पुग्यो : निर्देशक निरौला    म जनता थिएँ जेल हाले, नरोत्तम नेता भएकाले माफी मागे पुग्यो : निर्देशक निरौला    काभ्रेको पाँचखालमा उपकार सेवा नेपाल र अग्रवाल सेवा केन्द्रले गर्यो राहत वितरण

निषेध र प्रतिशोधको भावनाले कसैको हित गर्दैन : पूर्वराजा

देशभक्ति, स्वाधीनता एवम् स्वाभिमानमाथि बराबर किन प्रश्न, सन्देह र विवाद विग्रह उत्पन्न हुन्छ ?: पुर्वराजा ज्ञानेन्द्र
Wednesday, June 24, 2020 National Power


काठमाडौ – पूर्वराजा ज्ञानेन्द्र शाहले निषेध र प्रतिशोधको भावनाले कसैको हित नगर्ने चेतावनी दिएका छन् । आफ्नो जन्मोत्सवको अवसरमा बुधबार एक शन्देश जारी गर्दै पूर्व राजा शाहले राष्ट्रियता नै मुलमन्त्र र एकता शक्ति भएको भन्दै अहिले एक अर्कामा आरोप प्रत्यारोप र निषेधको संस्कृति मौलाएको र यसले कसैको पनि हित नगर्ने चेतावनी दिएका हुन् ।

उनले नेपालको गौरवमय इतिहासलाई स्वीकार गरेर जानुपर्ने आवश्यक्तामा जोड दिदै नेपाल राष्टको एकीकरण, नेपालको स्वाधिनताको संरक्षण र सर्वोत्तममुखी विकासको चिन्तन कहिले कसले र कोबाट भयो भन्दै त्यो आम हेक्काको विषय भैसकेको बताएका छन् । उनले त्यस्तो गौरवमय इतिहासलाई स्वीकार गरेर जान सक्नुपर्ने र राष्ट्रियता नै मुल मन्त्र र एकता नै शक्ति बनाउनुपर्ने सुझाव पनि दिएका छन् ।

उनले देशभक्ति, स्वाधीनता एवम् स्वाभिमानमाथि बराबर किन प्रश्न, सन्देह र विवाद विग्रह उत्पन्न हुन्छ भन्दै प्रश्न समेत गरेका छन् । उनले जनताको सुरक्षा, स्वास्थ्य र जिविकाको विषयमा किन अलमल, असन्तोष र आक्रोश उठिरहन्छ भन्दै रोगको महामारी, राष्ट्रियताको संकट, सिमा समस्या, राष्ट्रिय हित बिरुद्धका सन्धि सम्झौता तथा हत्या हिंसा र आत्महत्याजस्ता जल्दाबल्दा दुःखद विषय सन्दर्भमा पनि किन सधैँभरी विवाद आइरहन्छ भनेर प्रश्न गरेका छन् ।

‘त्यसैले अहिले देशमा पनपनाउँदै गएको जातीयता, वर्गियता र क्षेत्रीयताका संक्रिण दुर्भावनाले राष्ट्रियता र ऐतिहासिक राष्ट्रिय अस्मितालाई राम्रो गर्दैन’ शाहले भनेका छन् । पूर्वराजा शाहले कोरोना महामारीबाट जीवन गुमाएका र पीडाग्रस्त रहेका सबैप्रति श्रद्धा तथा समवेदनाका साथै संक्रमित सबैको स्वास्थ्य लाभको कामना गर्दै संक्रामक रोगको यो समयमा नेपाली जनताले भोग्न परेको गाँस, बास र कपास लगायतका विविध समस्या समाधान गर्न सरकारलाई आग्रह गरेका छन् ।

source : #ratopati#