सरिताको नयाँ गीत देशै रोयो कोरोनाले सार्बजनिक (भिडियो सहित)

काठमाडौ – सरिता भारतीको नयाँ गीत ‘देशै रोयो कोरोनाले …’ सार्वजनिक भएको छ । सागर प्रधानको शब्द/सङ्गीत रहेको गीतको भिडियो सार्वजनिक भएको हो । यो गीतमा चेतन गोतामे र गायिका सरिता भारतीले सहकार्य गरेका छन् । गायक गोतामे गतवर्ष सम्पन्न गायन सम्बन्धि रियालिटी सो नेपाल लोकस्टारका रनरअप हुन् भने गायिका सरिता ब्युटी न्युज नेपालकी समाचार सँयोजक हुन् ।

गायिका सरिता, गायक चेतनसँगै गीतमा महेशबिक्रम पाण्डे र पुजा गुरुङको पनि स्वर रहेको छ । सार्वजनक गीतको भिडियोमा गायक चेतन र गायिका सरिताले मुख्य अभिनय गरेका छन् । यी गायक गायिकासँगै अन्य २० जना भन्दाबढी कलाकारलाई गीतको भिडियोमा समेटिएको छ ।

लकडाउनकै बेला यो गीत रेकर्ड गरिएको गायिक सरिताले बताइन् । उनकाअनुसार गीतको भिडियो दुई दिनमा तयार गरेर सार्वजनिक गरिएको हो । बिक्रम चौहानले निर्देशन गरेको गीतको भिडियोलाई राजकुमारले सम्पादन गरेका हुन् ।

‘यतीबेला सारा विश्व कोरोना भाईरस (कोभिड-१९) को महमारीमा रहेको बेला गीतकार सागरले समसामयिक शब्द सङ्गीत तयार पारेपछि यो गीत बजारमा ल्याइएको हो । अहिले मुलुकमा कोरोना र त्यसले निम्त्याएका समस्यासँगै नेपालको सीमा भारतले मिचेको पीडालाई यो सन्देशमुलक रुपमा यो गीतमा समेटिएको छ’, गायिका सरिताले भनिन् ।

यसअघि आधुनिक, लोक, पप गीत बजारमा ल्याईसकेकी गायिका सरिता भारतीले राष्ट्रिय भावको गीत भने पहिलो पटक गाएको बताईन् । मुलुकमा लकडाउन हटेपछि अब शम्भुजीत बासकोटाको सङ्गीत रहेका आफ्नो एकल गीत ‘ए राजा झट्टै बजाईदेउ बाजा…’ को भिडियो सार्वजनिक गर्ने उनले बताईन् ।