Tuesday 22nd June 2021

    उपत्यकाको निषेधाज्ञा : निजी सवारीमा जोर बिजोर, बारअनुसार पसल खुल्ने    इरान र विश्वका ६ शक्ति राष्ट्रबीचको वार्ता स्थगित    राइफलको गोली लागेर सेनाका जवान गम्भीर घाइते    बाढी र पहिरोमा परी एक सातामा १७ जनाको मृत्यु    मुस्ताङको भिडियो ट्वीट गर्दै डब्ल्यूएचओका महानिर्देशकले गरे स्वास्थ्यकर्मीको प्रशंसा

अन्तर्राष्ट्रिय साँस्कृतिक महासंघ नेपाल शाखाको अध्यक्षमा शीतल आचार्य ‘सीता’ मनोनित

Thursday, May 28, 2020 National Power


काठमाडौं – लामो समयदेखि साँस्कृतिक कला तथा संगीतमा लागेर नेपालमा मात्रा नभई विश्वका ५० भन्दा बढी देशहरूमा कला संस्कृतिको माध्यमबाट विश्वमाझ आफ्नो परिचय दिनु भएका संस्कृतिकर्मी, कलाकार, मोडेल तथा कुसल व्यवस्थापक शीतल आचार्य ‘सीता’ अन्तर्राष्ट्रिय साँस्कृतिक महासंघ आईओभी (International Organization of Folk Arts IOV) नेपाल सेक्सनको अध्यक्ष जस्तो गरिमामय पदमा ४ वर्षको लागि मनोनित भएकी छन् । कोरोनाको महामारीको कारण भिडियो कन्फ्रेन्सका माध्यमबाट बसेको आईओभीको बोर्ड मिटिङले केही समयदेखि रिक्त रहेको उक्त पदमा आचार्यलाई मनोनित गरेको हो ।
एभरेष्ट नेपाल कल्चरल ग्रुपमा सन् २०१२ देखि आबद्ध रही निरन्तर रूपमा लोक कला, संस्कृतिको संरक्षण र प्रबद्र्धनमा समर्पित तथा राष्ट्रिय तथा अन्तर्राष्ट्रिय क्षेत्रमा लोक कला र संस्कृतिको उत्थानका लागि पुर्याएको योगदानको उच्च मूल्याङ्कन गर्दै आचार्यलाई अध्यक्षजस्तो गरिमामय पदमा मनोनित गरेको जनाइएको छ ।
आईओभी महासंघको मुख्य उद्देश्य विश्वमा लोक संस्कृतिको संरक्षण, सम्बद्र्धन र प्रबद्र्धन गर्ने तथा विभिन्न देशमा अन्तर्राष्ट्रिय लोक साँस्कृतिक मेलामा सहभागी हुने, अन्तर्राष्ट्रिय स्तरको प्रतियोगिता आयोजना गर्ने तथा विभिन्न देशको लोक संस्कृतिको बारेमा अनुसन्धान गर्ने रहेको छ । सन् १९७९ मा स्थापित आईओभी महासंघमा १५० भन्दा बढी मुलुकहरू सदस्य रहेका छन् ।