उपत्यका प्रबेश गर्ने नाकाहरु अत्यावश्यक बाहेकको अवस्थामा पुर्ण रुपमा सिल गरिने

काठमाडौ – काठमाडौं उपत्यकामा कोरोना भाइरस (कोभिड–१९) को जोखिम बढ्दै जाँदा उपत्यका प्रबेश गर्ने नाकाहरु अत्यावश्यक बाहेकको अवस्थामा पुर्ण रुपमा सिल गर्ने गृहमन्त्रालयले निर्णय गरेको छ ।

गृह मन्त्रालयले लकडाउन अवधिभर उपत्यका प्रवेशमा निषेध गर्ने निर्णय गरेको हो ।

गृहमन्त्रालयले काठमाडौं उपत्यकामा सबै निकायलाई परिपत्र जारी गर्दै उपत्यका प्रवेश गर्ने सबै नाकाहरु सिल गर्ने निर्णय गरेको हो ।

उपत्यकाभित्रका ३ वटै जिल्लामा पास लिएका सवारी साधनहरु हिड्न पाउने भएपनि उपत्यकालाई बाँकी नेपालबाट ओहोर दोहोर गर्न भने नपाइने गरी व्यवस्था गरिएको छ ।

गृहमन्त्रालयद्वारा जारी सूचना अनुसार अब कोही पनि मानिस काठमाडौंभित्र प्रवेश गर्न पाउने छैन । सरकारले तोकेको अत्यावश्यक कामका लागि बाहेक काठमाडौं छिर्न नपाउने गरी सिल गर्ने निर्णय भएको पत्र गृहले मातहतका निकायलाई पठाएकोछ ।

गृहले उपत्यकाका सबै स्थानीय तहलाई कार्यान्वयनका लागि पठाएको पत्रमा काठमाडौँ उपत्यका प्रवेशका सबै नाकाहरु अत्यावश्यक प्रयोजन बाहेक पूर्णरुपमा सिल गर्न आग्रह गरिएको छ । लुकिछिपी हुने प्रवेशलाई समेत पूर्ण रुपमा रोक्न निर्देशन दिइएको छ ।