काभ्रेको ट्राफिकद्धारा टिपर चालकलाई स्वास्थ्य सामाग्री

काभ्रे (बनेपा) – बागमति ट्रिपर व्यवसायी संघ र जिल्ला ट्राफिक प्रहरी कार्यालयको सयुक्तमा टिपर चालकलाई स्वास्थ्य सामाग्री वितरण गरिएको छ ।

मंगलबार काभ्रेको बनेपा र पनौती गरि दुई स्थानमा करिब १५ सय चालकलाई मास्क, स्यानिटाइजर र पञ्जा वितरण गरिएको जिल्ला ट्राफिक प्रहरी कार्यालय काभ्रेका प्रमुख बिशाल तामाङले बताए । उनका अनुसार लक डाउन खुकुलो भएसँगै अरिनको र वि.पी राजमार्ग हुदैँ जिल्लामा धेरै मात्रामा ट्रिपर गुड्न थालेपछि चालकलाई सचेत गराउन यो कार्यक्रम गरिएको हो ।

कोरोनाको जोखिमलाई न्यूनिकरण गर्न र चालकलाई कोरोनाबारे सचेतना गराउनु स्वास्थ्य सामाग्री वितरण गर्नुको मुख्य उद्देश्य रहेको प्रमुख तामाङले जानकारी दिए । हजारदेखि १५ सय चालकलाई सामाग्री वितरण गर्ने लक्ष्य राखिएको बताइएको छ ।

लकडाउनले गर्दा निर्माणाधिन अवस्थामा रहेका परियोजना अलपत्र परेपछि लक डाउन खुकुलो गर्दै निर्माण ढुवानी सुचारु भएको जिल्ला ट्राफिक प्रहरी प्रमुख तामाङले बताए । उनका अनुसार अहिले काठमाडौंमा निर्माण सामाग्रीको माग बढि भएपछि जिल्लाको अरनिको र वि.पी राजमार्गमा ट्रिपर धेरै सङ्ख्यामा गुडेको छ । लक डाउनको अवधिमा पनि जिल्लामा दैनिक करिब दुई सय ट्रिपर गुड्ने गरेको कार्यालयको तथ्याङकमा छ