बनेपा – कोरोना भाइरस अर्थात् कोभिड-१९ को संक्रमण फैलिन बाट जोगिन भन्दै देश नै लकडाउन गरेको बेलामा बनेपामा रहेका केही भट्टीहरु संचालनमा आएको र घरेलु मदिरा बेचबिखन गरि सरकारको नियम लाई नै तोडेको अवस्थामा केही भट्टी पसलमा रहेको मदिरा लाई बनेपा प्रहरीले नस्ट गरेको छ ।
नगरपालिकाको पुल बजार र भट्टा क्षेत्रमा रहेको होटलहरुमा छापा मार्दा मदिरा बेचिरहेको पाएपछि प्रहरीले घरेलु मदिरा नस्ट गरेको हो । दिन प्रतिदिन बनेपा इलाका प्रहरी कार्यलयले राम्रो काम गर्दै आएकोमा स्थानीयले खुशी व्यक्त गरेका छ्न ।
बनेपा इलाका प्रहरी कार्यालयका प्रमुख प्र.नि. योगेन्द्र तिमिल्सिनाको कमाण्डमा ७ जनाको प्रहरी टोली गई बनेपा नगरपालिकाको पुल बजार र इटा भट्टामा संचालन गरिएका बिभिन्न होटलहरुबाट अन्दाजी सय १०० लिटर अबैध घरेलु मदिरा नियन्त्रणमा लिएर नस्ट गरिएको हो ।
लकडाउनको अवस्थमा औषधि उपचार र खाद्यवस्तुजस्ता अत्यावश्यक काममा बाहेक कुनै पनि व्यक्ति घरबाहिर ननिस्किने आदेश सरकारले जारी गरे पनि बनेपाको इटा भट्टा , पुलबजारमा भट्टीहरु खोलीएको र धेरै मानिस जम्मा भएको सूचना आए पछि बनेपा प्रहरीले छापा मारेको हो ।