बनेपा – राष्ट्रिय संगीतकर्मी संघले बैशाख ११–१३ गते काठमाडौको टुडिखेलमा गरिने भनिएको राष्ट्रिय लोक दोहोरी तारा २०७७ कोरोना भाइरसको कारण हाललाई स्थगित गरेको छ ।

चैत ४ गते केन्द्रीय कार्यालय कोटेश्वर अध्यक्ष राजेन्द्र कुमार कार्कीको अध्यक्षतामा बसेको बैठकले अनुकुल बाताबरण हुने साथै गर्ने गरी मिति आगामी बैठकमा तय गर्ने निर्णय गरिएको छ । सस्थाको पन्धौ स्थापना दिवस चैत्र २१ गते केन्द्र प्रदेस र सम्पुर्ण जिल्ला शाखाहरुमा कोरोना भाइरलको कारण जनचेतना फैलाउन मद्दत पुग्ने गरि मनाउने निर्णय गर्दै सबै प्रदेश र जिल्लालाई तेहि अनुसार मनाउन जानकारी गराइएको छ ।

सोहि बैठककै दिन गायिका शर्मिला श्रेष्ठ र गायक दिनेश लामाको जन्मदिन पनि मनाईएको थियो । संगीतकर्मी संघको आगनमा चैत ४ गते परेको जन्मदिनको उपलब्यमा सामुहिक केक काट्दै संघका पदाधिकारीहरुले शुभकामना दिएर मनाएका हुन ।
संघकी केन्द्रिय सचिव समेत रहेकी गायिका शर्मिला र काभ्रे जिल्ला शाखा सचिव दिनेशलाई संघका अध्यक्ष राजेन्द्र कुमार कार्कीले अझ धेरै दर्शक तथा स्रोताको मनमा बस्न सफल हुनु् भन्दै शुभकामना दिएका थिए । गायिका शर्मिला र गायक दिनेशले संघका पदाधिकारी सँगै आफूलाई सामाजिक सञ्जाल तथा बिभिन्न माध्यमबाट शुभकामना दिने सबैलाई धन्यवाद दिएका थिए ।