Friday 10th July 2020

    बिहिवारदेखि मनसुन थप सक्रिय हुने, बाढी पहिरोको जोखिम    दिनप्रति दिन बढिरहेको आत्महत्याका घटनाले सिंगो समाज चिन्तित    अमेरिका खुफिया एजेन्सीले देख्यो चीनबाट खतराको संकेत, जासुसी, घुस र ब्ल्याकमेल सम्मको आरोप    अमेरिका खुफिय एजेन्सीले देख्यो चीनबाट ठुलो खतराको संकेत, जासुसी, घुस र ब्ल्याकमेल सम्मको आरोप    रामकुमार नेपालीको “दु:खी बाहुन” बजारमा

कोरोनाको कारण तेन्जिङ हिलारी एभरेष्ट म्याराथन पनि सर्‍यो

Saturday, March 21, 2020 National Power


काठमाडौं – विश्वकै सर्वाधिक उचाइमा आयोजना हुने तेन्जिङ हिलारी एभरेष्ट म्याराथन पनि कोरोना भाइरसले गर्दा पछि सरेको छ । विश्वभर फैलिएको कोरोनाले गर्दा आयोजक हिमालय एक्सपीडीसन्सले १७ औं संस्करणको एभरेष्ट म्याराथन सर्ने जानकारी गराएको हो ।

यसअघि मे २९ मा हुँदै आएको म्याराथन यस वर्ष सेप्टेम्बरमा हुने भएको छ । आयोजकले सामाजिक संजाल फेसबुकमार्फत यस वर्षको म्याराथन आगामी सेप्टेम्बर २४ सम्मको लागि सार्ने तयारी भइरहेको जनाएको छ । सर्वोच्च शिखर सगरमाथाको आधार शिबिरबाट सुरु भएर नाम्चे बजार पुगेर समापन हुने म्याराथनमा विश्वभरका धावकहरु दौडन आउने गर्छन् । जसमा विभिन्न विधामा प्रतिस्पर्धा हुन्छ ।

प्रतियोगिताको मुख्य आकर्षणको रुपमा ४२/१९५ किमिको म्याराथन, ६० किमिको अल्ट्रा म्याराथन र २१ किमिको हाफ म्याराथन रहेको छ । सुमन कुलुङ र सुनमाया बुढाले गत संस्करणमा म्याराथनको उपाधि जितेका थिए ।