Thursday 24th June 2021

    सविता भण्डारीका हत्यारालाई कडा भन्दा कडा कार्वाहीको माग गर्दै विरोध र्याली    आन्तरिक र अन्तर्राष्ट्रिय हवाई उडान खोल्ने सरकारको निर्णय    मन्त्रिपरिषद अब ५ सदस्यीय मात्रै    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त

कालोबजारी रोक्न भने सरकारले अनुगमन प्रभावकारी बनाउनुपर्नेमा जोड

Wednesday, March 11, 2020 National Power


काठमाडौँ — सरकारले करिब चार महिनालाई पुग्ने दैनिक उपभोग्य वस्तु र औषधि मौज्दात रहेको जनाएको छ । उद्योगी–व्यवसायीले पनि ग्यास, घिउ, तेल, चामल, पेट्रोललगायत सामान पर्याप्त रहेको बताएका छन् । उनीहरूले कालोबजारी रोक्न भने सरकारले अनुगमन प्रभावकारी बनाउनुपर्नेमा जोड दिएका छन् । कोभिड–१९ को रोकथाम तथा नियन्त्रणसम्बन्धी उच्चस्तरीय समन्वय समितिले बजारमा दैनिक उपभोग्य वस्तु र औषधिको स्थितिबारे नेपाल चेम्बर अफ कमर्स, नेपाल उद्योग वाणिज्य महासंघ, नेपाल औषधि व्यवसायी संघलगायतसँग मंगलबार छलफल गरेको थियो । त्यस क्रममा दैनिक उपभोग्य वस्तु र औषधिको सहज आपूर्ति र बिक्रीमा निजी क्षेत्रले गर्न सक्ने सहयोग र सरकारी पक्षबाट खेल्नुपर्ने भूमिकाबारे छलफल गरिएको थियो ।

‘औषधिजन्य वस्तुबाहेक दक्षिण (भारत) बाट आउने व्यापारमा केही समस्या छैन । चीनतर्फ संक्रमण घट्दै गएकाले रसुवागढी र तातोपानी नाकामा रोकिएका वस्तु मन्त्रालयहरूसँग समन्वय गरेर ल्याउन सकिन्छ,’ छलफलपछि अर्थमन्त्री युवराज खतिवडाले भने । अर्थमन्त्री खतिवडाले औषधिका सम्बन्धमा भारतलाई वाणिज्य मन्त्रालयमार्फत परराष्ट्र हुँदै पत्र पठाइसकेको जनाउँदै उक्त समस्या समाधान हुने दाबी गरे । ‘औषधिले पाँच महिनालाई पुग्छ । पेट्रोलियम पदार्थ तीन महिनाका लागि मौज्दात छ । आत्तिनुपर्ने अवस्था छैन,’ उनले भने । मन्त्री खतिवडाले कोभिड–१९ विरुद्ध जनचेनता तथा रोकथामका लागि केही दिनमा सर्वदलीय बैठक आह्वान गरिने जानकारी पनि दिए ।

नेपाल चेम्बर अफ कमर्सका अध्यक्ष राजेशकाजी श्रेष्ठले आफूलगायत व्यवसायीहरूले बजारमा भनिए, सुनिएको जस्तो दैनिक उपभोग्य वस्तु तथा औषधिमा कुनै अभाव नरहेको जानकारी छलफलमा सरकारी पक्षलाई गराएको बताए । ‘एकरदुई जनाले अवस्था ठीक छैन भन्ने भ्रम सिर्जना गरे । ग्यासलाई लिएर अस्ति दुईरतीन दिन हल्ला भयो । फेरि ठीक ठाउँमा आइसक्यो,’ उनले भने, ‘औषधिका केही आइटमबाहेक सबै आइरहेका छन् । भारतले रोकेका केही औषधि पनि नेपालमा उत्पादन हुने रहेछन् ।’ श्रेष्ठका अनुसार छलफलमा घिउ, तेल, चामल बजारमा अभाव हुन नदिने प्रतिबद्धता व्यवसायीले गरेका थिए । उनले खाद्य संस्थानमा पनि पर्याप्त मौज्दात रहेको बताए ।