‘कोइ भन्छन् मलाई स्वर्गकी परी‘’ को छायाँकन

काठमाडौं- अभिनेत्री अशिश्मा नकर्मीले गीत गाएकी छिन् । सन्तोष श्रेष्ठको सङ्गीत, मनोज चौलागाईको सङ्गीत संयोजन, शान्तिप्रियको शब्द रचना रहेको यस गीतको छायाँकन गरिएको छ ।

‘कोइ भन्छन् मलाई स्वर्गकी परी, कोइ भन्छन् मलाई घर्तिकी सुन्दरी‘’ बोलको गीतमा नृत्याङ्गना तथा मोडल शुशीला थापाले ठुम्का लगाएकी छिन् । गीतको नृत्य तथा निर्देशन राजीव बलामिले गरेका हुन् । भिडियोलाई मुकेश हुमागाईले खिचेका छन् ।

फर्पिङको रमणीय दृश्यमा भिडियो निर्माण गरिएको छ । गीतको स्टिल फोटोग्राफी राम ढकालले गरेका छन् भने श्रृङ्गार कविता तोलाङ्गीले गरेकी छिन् । गीतलाई गीतकार शान्तिप्रियले निर्दिष्ट गरेका छन् ।