Friday 10th July 2020

    बिहिवारदेखि मनसुन थप सक्रिय हुने, बाढी पहिरोको जोखिम    दिनप्रति दिन बढिरहेको आत्महत्याका घटनाले सिंगो समाज चिन्तित    अमेरिका खुफिया एजेन्सीले देख्यो चीनबाट खतराको संकेत, जासुसी, घुस र ब्ल्याकमेल सम्मको आरोप    अमेरिका खुफिय एजेन्सीले देख्यो चीनबाट ठुलो खतराको संकेत, जासुसी, घुस र ब्ल्याकमेल सम्मको आरोप    रामकुमार नेपालीको “दु:खी बाहुन” बजारमा

एशिया व्यासिफिक योङ्ग साइन्टिस्ट कन्फ्रेन्समा प्रधानले जिते गोल्ड मेडल

Monday, November 11, 2019 National Power


काठमाण्डौ- रुसमा सम्पन्न आठौं एशिया व्यासिफिक योङ्ग साइन्टिस्ट कन्फ्रेन्समा सहभागी नेपाली युवा वैज्ञानिकहरुले गोल्ड सहित तीन पदक जितेका छन् । २३ राष्ट्रका प्रतिस्पर्धीलाई पछि पार्दै नेपाली युवा वैज्ञानिकहरुले पदक जितेका हुन् ।

नेपालको तर्फबाट सहभागी विभिन्न कलेजका ९ विधार्थीमध्ये साउथवेस्र्टन स्टेट कलेज बसुन्धराका बिधार्थी स्वराज सागर प्रधानले गोल्ड मेडल जितेका छन् । प्रधानले २३ मुलुकका प्रतिष्पर्धीलाई जित्दै स्वर्ण पदक जितेका हुन् ।प्रधानले ुयुज अफ माइक्रोस्याटलाइट फर ग्लोबल कनेक्टीभिटी, हाईस्पीड ट्रान्समिशन एण्ड डाटा एनालाइसिसु बिषयमा आफ्नो प्रस्तुती दिएका थिए ।

यस्तै अस्मिता स्कुलकी दिक्षा संजेल र काठमाण्डौं मोडेल कलेजका ऋषी कुमार गुप्ताले ब्राउन्ज मेडल जित्न सफल भएका छन् ।

रुसमा यहि अक्टोबर १४ देखि १९ सम्म आठौं एशिया प्यासिफिक युवा वैज्ञानिकहरुको अन्तराष्ट्रिय सम्मलेन आयोजना भएको थियो । नेपाल पोलिमर इन्ष्टिच्यूट काठमाडौंको पहलमा उक्त सम्मेलनमा विभिन्न कलेजका ९ नेपाली विद्यार्थीले प्रस्तुती दिएका थिए ।

गत महिना नेपाल पोलिमर इन्ष्टिच्यूटको आयोजनामा भएको राष्ट्रियस्तराको चौथो युवा वैज्ञानिक सम्मेलनमा विभिन्न विद्यामा उत्कृष्ट भएका विद्यार्थीलाई उक्त सम्मेलनमा पठाईएको थियो । सम्मेलनमा विश्वभरका २३ राष्ट्रका युवा वैज्ञानिकहरुले प्रतिस्पर्धा गरेका थिए । सम्मेलनबाट नेपाली वैज्ञानिकको टोली सोमबार स्वदेश फर्किएको छ ।