Sunday 17th November 2019

    कालीप्रसाद र सन्तोषको उदास जवानी लोकार्पण    विश्व कीर्तिमानी गीतकार डा. डीआर ‘के तन्नेरी, के अधवैशे…’ भन्दै (भिडियोसहित)    कृष्ण र सोनुको स्वरमा ‘गोर्खालीको शान…’ (भिडियोसहित)    सीमा मिचिएकोबारे शिक्षा मन्त्रीले गराए भारतीय मन्त्रीको ध्यानाकर्षण    पोखरामा नेपाल-भारत सीमा सुरक्षा बैठक, अतिक्रमित भूमिबारे छलफल नहुने

अम्बानीका दुई बुहारीः नीता चर्चित, टीना गुमनाम

Wednesday, September 18, 2019 National Power


एजेन्सी -एसियामा नै धनी परिवारमा गनिन्छ अम्बानी परिवार । धीरुभाई अम्बानीले सुरु गरेको व्यवसायले उनलाई त सम्पन्न बनायो नै उनको व्यवसायलाई निरन्तरता दिएका मुकेश अम्बानी र अनिल अम्बानी पनि उत्तिकै सम्पन्नशाली छन् ।

धीरुभाईका दुई छोराहरु मुकेश र अनिल अम्बानी व्यवसाय र सम्पत्तिका कारण त चर्चित छँदैछन् साथसाथै उनीहरु सम्बन्ध, पारिवारिक स्थिति र अन्य विभिन्न कारण चर्चामा आउने गर्छन् । यसैबीच, उनीहरुको श्रीमतीको विषयमा पनि समय समयमा विभिन्न गसिपहरु सुन्नमा आउने गर्छ । विवाह पश्चात मुकेश अम्बानीकी श्रीमती नीता अम्बानी धेरै चर्चामा छिन् भने अनिल अम्बानीकी श्रीमती टीना अम्बानी गुमनाम जस्तै छिन । गुजरानी जैन परिवारमा जन्मिएकी टीना मुम्बईमा हुर्किएकी हुन् । उनी जीवनका सुरुवातीमा ग्ल्यामर्स जीवन बाँच्न मन पराउँथिन् । सन् १९७५ मा उनले इन्टरनेशनल टीन प्रिन्सेस कान्टेस्टमा भारतको प्रतिनिधित्व गरेकी थिइन् र उनले मिस फोटोजेनिक र मिस बिकिनी अवार्ड जितेकी थिइन । उनको बिकनी एक्टबाट प्रभावित भएका देव आनन्दले उनलाई फिल्म ‘देश प्रदेश’ मा डेब्यू गराएका थिए । उनको फेशन र सुन्दरताबाट प्रभावित भएका अनिल अम्बानीले उनीसँग विवाह गर्ने फैसला गरे । विवाहलगत्तै उनले फिल्मी संसारलाई बाईबाई गरिन् ।

अहिले उनी कुर्ता–सलवार र सारीमा मात्रै देखिन्छिन् । कहिले काहीँमात्रै गाउन र छोटो पहिरनमा देखिने टीना मेकअप र ड्रेसअप आफ्नो लागि आफै गर्न मन पराउँछिन् । मुकेश अम्बानीकी पत्नी नीता अम्बानी पनि बारम्बार चर्चामा आउने गर्छिन् । मुकेश धनी परिवारका भएपनि निता भने सामान्य परिवारबाट आएकी हुन् । अहिले सामाजिक सञ्जालमा उनी आफ्ना महङ्गा साडीका कारण चर्चामा आउने गर्छिन् । कुनै समय ८०० रुपैँया कमाई गर्ने नीता अहिले करोडौँ रुपैयासँग खेल्छिन् । मुकेश र निताको प्रेमकथा पनि उनीहरुको जीवन जस्तै रोचक रहेको छ ।

मुकेश अम्बानी भारतका सबैभन्दा धनी परिवारका भएपनि सामान्य परिवारबाट आएकी नीताले उनीसँग विवाह अघि ठूलो शर्त राखेकी थिइन् । नीतालाई मुकेशका लागि उनका पिता धिरुभाइ आफैँले चुनेका थिए । निताले मुकेशका अगाडि आफू जति नै ठूलो खानदानको बुहारी बनेपछि विवाहपछि पनि एउटा सामान्य जीवन बिताउने र आफ्नो जागिरलाई पनि निरन्तरता दिइरहने शर्त राखेकी थिइन् ।