Monday 16th September 2019

    ‘राष्ट्रिय शिखर कृषक अवार्ड’ सम्पन्न साथमा शिखर सम्मान प्रदान गरियो    नागरिकता विधेयकमा राष्ट्रिय सहमति खोजौं :कांग्रेस    यौनजन्य अपराध नियन्त्रणमा रेडलाइट एरिया प्रभावकारी हुन्छ कि? – डा. उपाध्याय    इन्द्रजात्रा मनाइँदै, उपत्यकामा सार्वजनिक बिदा    औद्योगिक शान्ति नेपाल म्युजिक अवार्ड सम्पन्न

आज साउनको अन्तिम सोमबार सिवालयहरुमा भक्तजनहरुको घुईचो

Monday, August 12, 2019 National Power


काठमाडौं – साउने सोमबार भगवान शिवको प्रिय महिना मानिन्छ । शिवको प्रिय महिना र बार भएकाले साउने सोमबार व्रत बसे शिव प्रसन्न हुने र मनोकांक्षा पूरा हुने धार्मिक विश्वास छ ।

यही विश्वासका आधारमा साउने सोमबारका दिन हिन्दु धर्मालम्बीले शिवको पूजा तथा व्रत बस्ने गरेका छन् । साउनको अन्तिम सोमबारको दिन त शिवालयमा शिवभक्तहरूको उल्लेख्य उपस्थिति हुने गरेको छ । पुण्य मिल्ने विश्वासमा आज बिहानैदेखि काठमाडौंको पशुपति मन्दिरमा शिवभक्तहरूको लामो लाइन लागेको छ । व्रतालुहरूले आफ्ना प्रिय शिव भगवानका महिमामा भजन गाउँदै नाचगान गरिरहेका छन् ।
त्यस्तै, भक्तपुरको डोलेश्वर, ललितपुरको कुम्भेश्वर, पूर्वको महादेव भनेर चिनिने हलेसी, सुनसरीको पिण्डेश्वर, म्याग्दीको गलेश्वर, कपिलवस्तुको कुशेश्वर, पर्वतको गुप्तेश्वर, जनकपुरको कपिलेश्वर, जलेश्वरको सिरेश्वर र कलानेश्वरलगायतका शिवालयहरुमा पनि सोमबार बिहानैदेखि भक्तजनको घुइँचो लागेको छ । चितवन, नवलपरासी र तनहुँको संगमस्थल देवघाटधाममा पनि साउनको अन्तिम सोमबार पूजा गर्ने र बोलबम मेला भर्नेहरुको भीड छ ।