Tuesday 22nd June 2021

    उपत्यकाको निषेधाज्ञा : निजी सवारीमा जोर बिजोर, बारअनुसार पसल खुल्ने    इरान र विश्वका ६ शक्ति राष्ट्रबीचको वार्ता स्थगित    राइफलको गोली लागेर सेनाका जवान गम्भीर घाइते    बाढी र पहिरोमा परी एक सातामा १७ जनाको मृत्यु    मुस्ताङको भिडियो ट्वीट गर्दै डब्ल्यूएचओका महानिर्देशकले गरे स्वास्थ्यकर्मीको प्रशंसा

गोरखाको खोर्लाबेसीको ओडरमा लुकाइराखेको अवस्थामा अवैध सुन बरामद

Thursday, July 25, 2019 National Power


गोरखा — धार्चे गाउँपालिका–३ खोर्लाबेसीबाट प्रहरीले अवैध सुन बरामद गरेको छ । प्रहरी स्रोतका अनुसार खोर्लाबेसीको ओडार नजिक ढुंगाले च्यापेर राखेको अवस्थामा १६ किलो सुन आज बिहान बरामद भएको हो । प्रहरी स्रोतले १६ किलो सुन बरामद भएको बताएपनि आधिकारिक रुपमा सुनको परिमाणबारे केही पनि बताएको छैन ।

२७ दिन देखि सम्पर्क विहिन बनेका यारुवगरका धनकमल गुरुङले उक्त स्थानमा सुन लुकाएर राखेको आशंका गरिएको छ। गुरुङलाई बुधबार प्रहरीले पक्राउ गरेको थियो। ‘धनकमल पनि सँगै आएर सुन भएको स्थल देखाए,’ एक स्थानीयले भने, ‘अनि प्रहरीलाई पनि सजिलो भयो।’

तिब्बतबाट सुन ल्याएको लुटेराले सुइको पाएपछि धनकमल सुन लुकाएर सम्पर्कविहिन बनेका थिए। सुनसहित धनकमललाई प्रहरीले अहिले सदरमुकाम ल्याउँदै छ। धनकमल समातिएको एसपी ओम अधिकारीले पुष्टि गरे। ‘सुनको बारेमा अहिलै केहि भन्न सक्दिन। मान्छे आउँदै छन्, अनुसन्धान पछि मात्र यसबारे पुष्टि गर्छौं,’ अधिकारीले भने।