३ सिनेमाका लागि अजिथ कुमारलाई बोनीले दिए सय करोड

अमिताभ बच्चन तथा तप्सी पन्नु स्टारर पिंकुको तमिल रिमेकमा एकसाथ काम गरेका अभिनेता अजिथ कुमार तथा निर्माता बोनी कपुरले पुनः नयाँ सिनेमाका लागि सम्झौता गरेका छन्।

पिकुं तथा एक नाम नराखीएको सिनेमा पछि दुबैले तेश्रो सिनेमाका लागि सम्झौता गरेका छन्। यी ३ सिनेमाका लागि बोनीले अजिथसँग सय करोड भारू पारिश्रमिकमा सम्झौता गरेका हुन्। तेश्रो सिनेमा एक्सन सिनेमा हुने बताइएको छ। तेश्रो सिनेमाको बारेमा विस्तृत जानकारी सार्वजनिक नभएपनि सिनेमालाई संसारका उत्कृष्ट लोकसनमा खिचिनेछ।

सिनेमामा अजिथले एक रेसरुको भूमिकामा अभिनय गर्ने बताइएको छ। अजिथले बोनीसँग बोनीकी दिवंगत पत्नी श्रीदेवीसँग गरेको वाचा पूरा गर्न काम गरेका हुन्। अजिथले श्रीदेवी स्टारर ईङ्लिस भिङ्लिसु सिनेमामा अतिथि भूमिकामा काम गरेका थिए। अजिथको सिनेमा बोनीले निर्माण गरून भन्ने श्रीदेवीको चाहाना थियो।