Monday 16th September 2019

    ‘राष्ट्रिय शिखर कृषक अवार्ड’ सम्पन्न साथमा शिखर सम्मान प्रदान गरियो    नागरिकता विधेयकमा राष्ट्रिय सहमति खोजौं :कांग्रेस    यौनजन्य अपराध नियन्त्रणमा रेडलाइट एरिया प्रभावकारी हुन्छ कि? – डा. उपाध्याय    इन्द्रजात्रा मनाइँदै, उपत्यकामा सार्वजनिक बिदा    औद्योगिक शान्ति नेपाल म्युजिक अवार्ड सम्पन्न

चन्दननाथ मन्दिरबाट चोरिएका मूर्ति अझै भेटिएनन्

Wednesday, July 3, 2019 National Power


जुम्ला -प्रसिद्ध चन्दननाथ मन्दिरबाट चोरी भएका मूर्ति अझै भेटिएका छैनन् । २०७३ सालको मंसिर १२ गते खलङ्गा बजारस्थित चन्दननाथ मन्दिरबाट मुख्य मानिएको दत्तात्रेयलगायतको २१ थान पुरातात्विक महत्वका मूर्ति चोरी भएका थिए ।

चोरी भएको झन्डै एक महीनासम्म स्थानीयवासीले दैनिकजसो प्रशासन घेराउलगायत विरोधका विभिन्न कार्यक्रम सञ्चालन गरेका थिए । तत्कालीन प्रहरी महानिरीक्षक नवराज सिलवालसहित केन्द्रीय अनुसन्धान ब्यूरोको टोलीले जुम्ला पुगेर मूर्ति चोरीबारे अनुसन्धान गरेको थियो । तर अहिलेसम्म पनि अनुसन्धानको नतिजा आइसकेको छैन । जिल्ला प्रहरी प्रमुख सीताराम रिजालले मूर्ति नभेटिएसम्म अनुसन्धान जारी रहने बताए ।

‘कोहलपुरमा शङ्ख फेला परेपछि जुम्ला ल्याएर पहिचान र निर्माणकालको निर्क्यौल गर्नका लागि गुठी व्यवस्थापन समितिलाई देखाएका थियौँ,’ उनले भने । उनले केन्द्रबाटै यसबारे अनुसन्धान भइरहेको बताए ।

मन्दिरबाट चोरी भएका मूर्तिमध्ये गुठीचौर गाउँपालिकाको देपालगाउँस्थित रोकायावाडा र वडारासडाको बीच बाटोमा १४ वटा मूर्ति र दुई शङ्ख बेवारिसे अवस्थामा फेला परेका थिए ।