गीता नेपाल(शारदा) चलचित्र कलाकार संघको निर्बाचनमा सदस्य पदमा भिड्दै

\काठमाडौँ – चलचित्र कलाकारहरुको संगठन नेपाल चलचित्र कलाकार संघ यति बेला निर्बाचनमय भएको छ ।  यहि जेठ २५ गते सम्पन्न हुन गइरहेको नेपाल चलचित्र कलाकार संघको निर्वाचनको उमेद्वारी दर्ता प्रक्रिया सकिए संगै सम्पूर्ण प्रत्यासी कलाकारहरु आफ्नो पक्षमा मत माग्न लागिपरिरहेका छन् । चलचित्र तथा टेलिसिरियलकि चर्चित पात्र गीता नेपाल (शारदा) पनि अहिले आफ्नो सदस्य पदको उम्मेद्वारीको लागि चुनाबी माहोलमा होमिएकी छिन ।

बिगत डेढ दशक भन्दा लामो समय देखि चलचित्र कलाकारितामा सकृय गीता अभिनयसँगै चलचित्रमा ग्रुप उपलब्ध गराउदै आएकी छन । यस अघी सम्पन्न कलाकारको चुनावमा सदस्य पदमा उनले तीन भोटले हारेकी थिइन तर यसपाली भने आफुले चुनाव जित्नेमा नेपाल ढुक्क छिन् । पहिले नाम फरक परेको कारण त्यस्तो पर्न गएकोमा उनि दुख समेत ब्यक्त गर्छिन ।

करिब ६०० जति चलचित्रमा काम गरेर आधा दर्जन चलचित्रमा अभिनय गरिसकेकी तथा २ दर्जन भन्दा बेसी टेलिचलचित्रमा अभिनय गरेर छोटो समयमा नै चलचित्र क्षेत्र भित्र आफुलाई सकृय कलाकारको भिडमा उभ्याउदै चर्चित बनेकी गीता नेपालले थुप्रै फिल्म, टेलिफिल्म र म्युजिकभिडियोमा अभिनय गरिसकेकी छन । आफ्नो कलाकारिता क्षेत्रको अनुभवलाई अब कलाकारहरुकै छाता संगठनभित्र रहेर यसैको हक-हितमा खर्चिनकै लागी आफुले उमेद्वारी दिएको नेपालको भनाइ छ ।

उनि थप्छिन कलाकारहरुको दुख पिडाको आवाज बनेर कलाकार संघलाइ अगाडी बढाउने प्रणको साथ् संघको आफ्नै भवन निर्माण गर्न महत्वपुर्ण भूमिका निर्बाह गर्ने उनको भनाइ छ । कलाकारहरुको हकहितका लागी मन, वचन र कर्मले संघको गरिमालाई उच्च राख्न आफुले सकृय भूमिका खेल्ने र सदैब कलाकारकै सेवामा समर्पित हुने वाचाका साथ उमेद्वारी दिएको जानकारी दिइन । साथै उनले आफ्नो उमेद्वारीलाई सार्थक बनाउनको लागि आफुलाई बिजयी बनाउन सम्पूर्ण अग्रजहरुको आशीर्वाद र सदस्य कलाकार तथा पत्रकार साथीहरुको साथ, सहयोग तथा समर्थनको अपेक्षा रहेको बताएकी छन ।