Thursday 28th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

कैलालीमा आएको हुरीको बितण्डा

Friday, June 7, 2019 National Power

बिहीबार साँझको हावाहुरीले कैलालीमा ताण्डव मच्चाएको छ । हुरीले मानिसको ज्यान लिनुको साथै भौतिक संरचनाहरुमा क्षति पुर्याउँदा जनजीवन प्रभावित भएको छ । जिल्ला प्रहरी कार्यालय, कैलालीका अनुसार, अहिलेसम्म २ जनाको ज्यान गएको छ । गोदावरीका वीरबहादुर चौधरी र टीकापुरका लहानु चौधरीको ज्यान गएको हो ।

जिल्लाभरमा करिब ८० घाइते भएका छन् । घाइतेमध्ये १ को अवस्था गम्भीर भएपछि नेपालगञ्ज रेफर गरिएको छ भने बाँकीको अहिले धनगढीलगायत अस्पतालमा उपचार भइरहेको छ ।

हुरीले सहरी क्षेत्रका भौतिक संरचनामा सबैभन्दा बढी क्षति पुगेको प्रहरी भनाइ छ । खासगरी टीकापुर, गोदावरीलगायत क्षेत्रका कच्ची घरका छानाहरु उडाएका छन् । हुरीले छाना उडाएपछि कष्टप्रद ढंगले रात बिताएको गुनासो पीडितहरुले गरेका छन् । जिल्ला प्रहरी कार्यालय, कैलालीका अनुसार हुरीले घरमा पुगेको क्षतिको विस्तृत विवरण आइसकेको छैन । लगत संकलनको काम अहिले भइरहेको छ ।

हुरीले बिजुलीका पोल तथा रुखहरु भाँचेको छ । सरकारी अधिकारीका अनुसार, ४ सयभन्दा बढी बिजुलीका पोल भाँचिएको छ । हुरीले रुखसमेत उत्तिकै मात्रामा ढालेको प्रहरी भनाइ छ । हुरीले कैलालीमा जस्तै कञ्चनपुरमा पनि क्षति पुगेको छ । यद्यपि, यो जिल्लामा भने मानवीय क्षति भने भएको छैन ।