Friday 30th October 2020

    जो जहाँ छौं , त्यहीँ बसेर हाँसी खुशी दशैं मनाऔं    दक्षिण एशियामा चीनलाई अमेरिकाको काउन्टर    जनचेतना नेपालद्वारा काभ्रेकाे माझी गाउँमा दशैंको शुभकामना साँट्दै ४९ परिवारलाई खाद्यान्न वितरण    थप ४४९९ जनामा कोरोना संक्रमण पुष्टि, संक्रमितको संख्या डेढ लाख नाघ्यो    अनलाइन सुपर किड्स डान्स एंड सिन्गिंग कोम्पेटिशन सम्पन्न

अपरिचितलाई फोन गरेको भन्दै श्रीमतीको हत्या

Monday, June 3, 2019 National Power


जनकपुरधाम -अपरिचित नम्बरमा फोन गरेको भन्दै धनुषाका एक व्यक्तिले श्रीमतीको हत्या गरेका छन् । सबैला नगरपालिका ४ का २२ बर्षीय रहमत राईनले श्रीमती नुर जहाँ खातुनको हत्या गरेका हुन् । घटना जेठ १७ गतेको हो । घटनापछि फरार भएका राइनलाई आइतबार पक्राउ गरिएको धनुषा प्रहरीले जनाएको छ । पक्राउ परेका उनले अपरिचित नम्बरमा फोनमा कुरा गरेकै कारण हत्या गरेको बयान दिएका छन् ।

राइनले यो बिषयमा धेरै पटक झगडा हुँदा समेत कुरा गर्न नछाडेकाले हत्या गरेको बयान दिएको धनुषाका डीएसपी रामेश्वर कार्कीले जानकारी दिए । पक्राउ परेका राइनलाई धनुषा जिल्ला अदालत जनकपुरधामबाट म्याद थप गराई ज्यान सम्बन्धी कसुरमा अनुसन्धान शुरु गरिएको प्रहरीले जनाएको छ ।

यस्तै धनुषा प्रहरीले आफ्नै श्रीमतीलाई कोदालोले हिर्काएर घाइते बनाउने एक व्यक्तिलाई पक्राउ गरेको छ । क्षिरेश्वरनाथ नगरपालिका ६ मुसहरीटोलका देवु सदालाई पक्राउ गरिएको प्रदेश २ प्रहरी कार्यालय जनकपुरधामले जनाएको छ । सदाले ३५ बर्षीया श्रीमती शिवशक्ति देवीलाई कोदालोले टाउकोमा हिर्काएर घाइते बनाएको प्रहरीले जनाएको छ ।

कोदालो प्रहारबाट गम्भिर घाइते भएकी शिवशक्तिको जनकपुर अञ्चल अस्पतालमा उपचार भइरहेको छ । यसबारे थप अनुसन्धान भइरहेको प्रहरीले जनाएको छ ।