Sunday 19th May 2019

    कलाक्षेत्रमा योगदान पुर्याउदै आएका ४ कलाकारलाई सुभद्रा अधिकारी प्रतिष्ठानद्धारा पुरस्कृत    नेपाल आईडलका रवि ओड र अस्मिता अधिकारीसंग मिलेर गोकर्णले ल्याए किसानीको गीत    ‘जुनी जुनी’भिडियो सार्बजनिक    अष्ट्रेलियाको प्रधानमन्त्रीमा मोरिसनको चमत्कारिक जित    त्रिशूलीमा बस खस्दा पाँचको मृत्यु, २९ घाइते

जनकपुरमा पूर्वराजालाई भव्य स्वागत

Thursday, March 14, 2019 National Power


जनकपुर – पुर्वराजा ज्ञानेन्द्र शाहको जनकपुरमा भव्य स्वागत गरिएको छ । शाहको आगमनसँगै ‘राजा आऊ देश बचाउ’को नारा गुञ्जिएको छ । मधेश भ्रमणको क्रममा झापाबाट स्थलमार्ग हुँदै बुधवार साँझ करीब पौने ८ बजे जनकपुरधामको होटल सीताशरण पुग्ने बितिकै राजावादी र समर्थकहरुले ‘राजा आऊ देश बचाउ, हाम्रो राजा हाम्रो देश प्राण भन्दा प्यारो छ’ जस्ता नारा लगाएका थिए ।


पुर्वराजा ज्ञानेन्द्र शाह

गाडीबाट झर्न बितिकै समर्थकहरुले फुलमाला लगाइदिएर भव्य स्वागत गरेका थिए । शाहको स्वगतका लागि पूर्वपश्चिम राजमार्गदेखि जनकपुरको होटल सीताशरणसम्म ठाउँ ठाउँमा पूर्वराजाको जयजयकार सहितको ब्यानर सहितको पण्डाल गेट तथा होर्डिङबोर्ड लगाइएको छ ।अनिल बस्नेतको नेतृत्वमा शिव सेना नेपालको टोली र नेपाल प्रहरी तथा सशस्त्र प्रहरीको विशेष सुरक्षा टोली उनको सुरक्षाको लागि होटल सीताशरणमा परिचालन गरिएको छ ।

पुर्व निर्धारित कार्यक्रम अनुसार फागुन ३० गते सर्लाहीको प्रसिद्ध दुर्गा मन्दिर, चैत १ गते जनकपुरधाम स्थित श्रीरामजानकी मन्दिर, चैत २ गते गाईघाट स्थित राधाकृष्ण मन्दिर र चैत ३ गते सप्तरीमा पुजापाठ गर्नु हुने उनका निजी सचिव फनिन्द्र पाठकले जानकारी दिए ।