Saturday 24th October 2020

    जनचेतना नेपालद्वारा काभ्रेकाे माझी गाउँमा दशैंको शुभकामना साँट्दै ४९ परिवारलाई खाद्यान्न वितरण    थप ४४९९ जनामा कोरोना संक्रमण पुष्टि, संक्रमितको संख्या डेढ लाख नाघ्यो    अनलाइन सुपर किड्स डान्स एंड सिन्गिंग कोम्पेटिशन सम्पन्न    ओली सरकार भारतसँग सम्बन्ध सुदृढ बनाउँदै    एकैदिन ५ हजार ७४३ जनामा कोरोना संक्रमण पुष्टि

हिउँले घेरियो काठमाडौं

Thursday, February 28, 2019 National Power


काठमाडौं – बिहीबार बिहान सूर्योदयसँगै काठमाडौं उपत्यकामा रोचक दृष्य देखिएको छ । उपत्यकाबासीले बिहान उठ्नासाथ आफ्नै घरबाट सेताम्य हिउँको दुर्लभ दृष्य देख्न पाएका छन् । राष्ट्रिय समाचार समितिका अनुसार काठमाडौं उपत्यकामा १२ वर्षपछि हिमपात भएको छ ।

रातभर परेको पानीसँगै काठमाडौं उपत्यका वरिपरिका डाँडाहरु हिउँले ढाकिएका छन् । कीर्तिपुर, पातले वन, चन्द्रागिरि, फुल्चोकी आसपासका डाँडाहरु हिमाल जस्तै सेता देखिएका छन् । भक्तपुर जिल्लामा पर्ने सूर्यविनायक, साँगा, नगरकोट लगायतका डाँडामा पनि हिउँ परेको जानकारीमा आएको मौसमविद सुजन सुवेदीले बताए ।

यसअघि उपत्यकाबासीहरु हिउँ हेर्न चन्द्रागिरि, फुल्चोकी र नगरकोट जाने गरेका थिए भने आज आफ्नै घरबाट हिउँ देख्न पाइएको स्थानीय बताउँछन् । त्यसैले मानिसहरु आफ्नो घरको छतबाट हिमपातको सुन्दर दृष्य मोबाइलमा कैद गर्न लालायित देखिन्थे ।

बिहीबार बिहान काठमाडौं उपत्यकाको मौसम खुलेको छ र पारिलो घाम लागेको छ । तर, दिउँसो भने पुनः बदली हुने र अपराह्न छिटपुट वर्षा हुनसक्ने मौसमविद सुवेदी बताउँछन् । बिहान साढे ६ बजेको रेकर्डअनुसार काठमाडौं उपत्यकामा १६।२ मिलिमिटर पानी परेको छ ।