मदरल्याण्डका विद्यार्थी चेन्नइमा खेल्दै

भक्तपुर – आगामी डिसेम्बर २८ देखि ३० सम्म भारतको चेन्नईमा आयोजना हुन गइरहेको अन्तराष्ट्रिय तेक्वांडो प्रतियोगिता २०१८ मा सहभागी हुन मदरल्याण्ड स्कूल भातेढिकुरका विद्यार्थीहरु भारतको चेन्नई प्रस्थान गरेका छन् ।
तेक्वांडो आइटीएफ नेपालको तर्फबाट सूर्यविनायक नगरपालिका ९ भातेढिकुर भक्तपुरको मदरल्याण्ड स्कुलका खेलाडीहरु चेन्नई प्रस्थान गरेका हुन् । एक कार्यक्रमकाबीच भक्तपुर क्षेत्र नं २ का माननीय सांसद तथा पूर्वमन्त्री महेश बस्नेतले खेलाडीहरुलाई नेपालको झण्डा हस्तान्तरण गर्दै बिदाइ गरेका छन् । मदरल्याण्ड स्कुल प्रांगणमा सम्पन्न बिदाइ कार्यक्रममा खेलाडीहरुलाई शुभकामना तथा विदाई गर्दै बस्नेतले विश्वलाई नेपालले जित्ने भनेकै खेलको माध्यमबाट हो भन्दै खेलाडीहरुलाई जितेर आउन प्रेरणा एवं हौसला प्रदान गरेका थिए ।

त्यस्तै सूर्यविनायक नगर पालिका वडा नं। ९ नंखेलका वडा अध्यक्ष उपेन्द्रराज केसीले यस प्रतियोगितामा विजयी भएर आउन शुभकामना दिंदै मदरल्याण्ड स्कुलले खेलक्षेत्रमा गरेको योदानको प्रशंसा गरेका थिए । उनले विद्यालयको सामाजिक कार्यको प्रसंशा गर्दै प्रतियोगितामा सहभागी विद्यार्थी तथा स्कूललाई शुभकामना दिएका थिए । कार्यक्रममा आईटिएफका केन्द्रीय सचिव राकेश राई र केन्द्रीय कोषाध्यक्ष गायत्री खड्काले समेत विदाइ शुभकामना दिएका थिए ।
प्रतियोगितामा मदरल्याण्ड स्कुल कक्षा ९ का १५ वर्षको अमृत माँझीले ४० केजी तौल समूहको स्पारिंग र ब्लू बेल्ट तर्फ, कक्षा १० का १५ वर्षकी अस्मिताले ४५–५० केजी तौल समूहको स्पारिंग र ब्लू बेल्ट तर्फ, कक्षा ९ का १५ वर्षकी सोनिशा त्यातले ४० केजी र ग्रीन बेल्ट तर्फ, कक्षा ८ उमेर १३ वर्षकी सुरक्षा थापाले ३५–४० केजी स्पारिगं र ग्रीन ब्लू बेल्ट तर्फ प्रतिस्पर्धा गर्ने छन् साथै काभ्रेका रूपक खड़काले १४ वर्ष उमेर समूहको ४५ केजी तौल स्पारिंग र ब्लू देखी रेड बेल्ट समूहको तर्फ प्रतिष्पर्धा गर्नेछन् ।

यस अगाडि गत शनिवार तेक्वांडो आई टि एफ नेपाल का संस्थापक अध्यक्ष तथा अन्तराष्ट्रिय ए क्लास रेफ्री लक्ष्मण बस्नेत सल्लाहकार, आंग तेम्बा शेर्पा र खेलाडि रूपक खड़का चेन्नई प्रस्थान गरिसकेका छन । प्रतियोगितामा टिम मेनेजर मदरल्याण्ड स्कुलका प्रिन्सिपल संजय खड्का रहनेछन् । लक्ष्मण बस्नेतले प्रतियोगिताको टुर्नामेन्ट निर्देशकको भूमिका निर्वाह गर्ने छन् ।