Friday 18th January 2019

    नेपालको पहिलो समावेशी अवार्डको मनोनयन सार्वजानिक    अन्तरास्ट्रिय छायाँछवि अनर अवार्ड’ सम्पन्न    दाङको राप्ती स्वास्थ्य विज्ञान प्रतिष्ठानमा तालाबन्दी    कलाले दर्सकहरुको मन जित्न सक्ने हुनु पर्छ ; मोडल अर्जुन थापा    काभ्रेका कलाकार एक हुँदै

आज महान् चाड विजयादशमी, देशभर हर्षोल्लासपूर्वक मनाइँदै

Friday, October 19, 2018 National Power


२ कार्तिक ,काभ्रे / अरबिन्द्र गौतम – काभ्रेपलान्चोक आज आश्विन शुक्ल दशमी अर्थात् नेपालीहरुको महान् चाड विजयादशमी देशभर हर्षोल्लासपूर्वक मनाइँदै छ ।

दशैँघरमा प्रतिपदाको दिनदेखि गरिएको पूजाआराधना विधिपूर्वक आज विसर्जन गरिन्छ र श्री नवदुर्गा भवानीको प्रतीक पूर्ण घडाको जलबाट अभिषेक गरी घरघरमा ठूलाबडा र एवम् मान्यजनबाट टीका र जमरा लगाइँदै छ ।

विजयादशमीको टीकाको शुभसाइत बिहान ९: ५१ बजेदेखि जुरेको नेपाल पञ्चाङ्ग निर्णायक समितिले जनाएको छ ।

मीठो खाने, राम्रो लगाउने तथा पारिवारिक भेटघाट गरिने र स्नेह एवम् सद्भाव अभिवृद्धि गर्ने पर्वका रुपमा दशदिनसम्म मनाइने यो बडादशैँ पर्व धार्मिकमात्र नभएर सामाजिक–सांस्कृतिक पर्वका रुपमा समेत महत्वपूर्ण मानिन्छ ।

राम्रा राम्रा पोशाकमा सजिएका, निधारभरि दही अक्षताका राता टीका लगाएर शिरमा जमरा सिउरेका, मान्यजनबाट टीका थाप्न जानेहरुको आज विशेष चहलपहल देखिन्छ ।

स्वदेश वा विदेशमा रहेका नेपालीहरु आजको दिन सपरिवार एकत्रित भई विजयादशमीको टीका, जमरा लगाएर आपसमा शुभकामना आदानप्रदान गर्दछन् ।