काभ्रेको प्रहरीले पक्राउ गर्‍यो अपहरणकारी

काभ्रे- भक्तपुरबाट व्यक्ति अपहरण गरी काभ्रेतर्फ ल्याउने क्रममा प्रहरीले आठ जना अपहरणकारीलाई पक्राउ गरेको छ । अपहरणकारीले सिन्धुपाल्चोक हेलम्बु गा।पा ४ बस्ने बर्ष ४७ का बिष्णु कटुवाललाई अपहरण गरी ल्याउँदै गर्दा उक्त कार्यमा संलग्नहरूलाई पक्राउ गरेको हो ।

भक्तपुरको सल्लाघारीबाट अपरिचित ब्यक्तीहरुले निलो रंगको ट्याक्सीमा राखि जबरजस्ती नालाको बाटो हुदै काभ्रे तर्फ ल्याउँदै गरेको उनीहरुलाई प्रहरीले पक्राउ गरेको हो । बनेपा इलाका प्रहरी कार्यालयका प्रमुख तथा प्रहरी निरिक्षक सुनिल जंग शाह र पनौति प्रहरी चौकीको प्र।ना।नि शिबहरी कार्किको टोलीले धुलिखेल न।पा ५ चौकोटबाट पक्राउ गरेको प्रहरी निरिक्षक शाहले जानकारी दिए । उनीहरुलाई बा।५।च ८७३५ नं को प्राईभेट कार, बा।७८।प ५०५ नं को मो।सा र बा।३४।प ५०० नं स्कुटी सहित पक्राउ गरेको शाहले तेमाल अनलाइनलाई बताए ।

पक्राउ पर्नेहरुमा बनेपा न।पा १ बस्ने बर्ष २३ को दिपक भुजेल, नमोबुद्द न।पा १० बस्ने बर्ष ४० को राजन घोरासैनी, जिल्ला सर्लाही घर भई बनेपा बस्ने बर्ष २६ को कृष्णहरी अधिकारी, जिल्ला सिन्धुपाल्चोक सुनकोशी गा।पा ५ घर भई सुर्यबिनायक बस्ने बर्ष २९ को रामेश्वर सिलवाल, जिल्ला मकवानपुर पालुङ ७ बस्ने बर्ष ४२ नकुल कार्की ९गाडी चालक ०, जिल्ला रामेछाप खाडादेबी गा।पा १ बस्ने बर्ष ३५ को टेक ब।बि।क, काठमाडौं महनगरपालिका २८ बस्ने बर्ष ४२ को धननारायण तण्डुकार, जिल्ला सि।पा सुनकोशी गा।पा ५ घर भई हाल मकवानपुर बस्ने बर्ष २८ को रन्जन सिलवाल रहेका छन् ।

पक्राउमा परेका व्यक्तिहरुलाई थप अनुसन्धान एवं कारवाहीको लागि महानगरिय प्रहरी परिसर भक्तपुरमा पठाउने तयारी भईरहेको प्रहरी निरिक्षक शाहले तेमाल अनलाईनलाई जानकारी दिए ।