सल्यानमा घर भत्किँदा एकै परिवारका ५ को मृत्यु

काठमाडौं । सल्यानमा घर भत्किँदा एकै परिवारका ५ जनाको मृत्यु भएको छ । एक जना बालिका घाइते भएकी छन्।

मंगलबार राति साढे ९ बजेतिर बागचौर नगरपालिका वडा नं ४ मा घर भत्किदा एकै परिवारको पाँच जनाको मृत्यु भएको जिल्ला प्रहरी कार्यालय सल्यानका प्रमुख डिएसपी दिलेन्द्रबहादुर शाहीले जानकारी दिए ।

पहिरोमा परि ४० बर्षीय रामसिंह कामी, उनकी ३५ वर्षीया श्रीमती रामकली कामी, सात वर्षीय छोरी गंगा , ६ वर्षीया अर्की छोरी प्रमिला र ४ बर्षीय छोरा रुपलालको मृत्यु भएको शाहीले बताए ।

पहिरोमा परि ११ वर्षीया सुनिता विक भने घाईते भएकी छन्। उनको अवस्था सामान्य रहेको प्रहरीले बताएको छ।