काठमाण्डौ – सन्तोष तामाङ नेपाली चलचित्रका नायक,समाज सेवी एवम् आई.एल.टि.एस ईन्सट्रक्टर हुन् । वि सं २०६८ सालमा नेपाली चलचित्र नमस्ते वाट नायकको रुपमा डेब्यु गरेका तामाङले नयाँ नेपाल एक्सप्रेस, फोर्स र दलाल चलचित्रमा अभिनय गरिसकेका छन् । चलचित्र जगतमा प्रवेश गर्नु अघि उनले नेपाल टेलिभिजनबाट प्रसारित प्रहरी अनुरोध सिरियलबाट आफ्नो अभिनय पाईला चालेका थिए ।
नायक तामाङ एक कुशल नायक मात्रै नभएर उनि असल समाजसेवी पनि हुन । सोडेक नेपाल र प्याक नेपाल नामक संस्थामा आवद्ध भएर उनले एच आई भि एड्स,ड्रग्स,दुब्र्यसनी,सडक बालबालिका,बेवारिसे सडकमा अलपत्रहरुको उद्धारमा महत्वपुर्ण भुमिका निर्वाह गरेका छन् । यसका अलावा भुकम्प पिडित,बाढीपहिरो पिडितहरुको सहयोग एवम् उद्धारको लागि अहोरात्र खट्ने नायकका निकै प्रसंसनिय कार्यहरु छन् । चलचित्र र समाज सेवालाई आफ्नो कर्मको पाटो बनाउने नायक तामाङ विगत लामो समय देखि बडि बिल्डिङको कार्यमा पनि सक्रिय रहदै आएका छन् ।
आफु स्वस्थ भयो भने मात्रै अरुको सहयोग गर्न सकिने भन्दै उनि दैनिक व्यायम गर्छन् । शारिरीक अभ्यास निकै महत्वपुर्ण भन्दै कुनै पनि मानिस जिम धाउनै नपर्ने उसले घरमै बसेर पनि पुस अप र चिन अप गरेर चुस्त वा स्फुर्त र स्वस्थ रहन सक्ने बताउछन् ।
हेर्नुस उहाँको शारिरीक अभ्यास गर्ने तरिकाको भिडियो सहित