मधेश प्रदेश भनेर साम्प्रदायिक कुरा उठाउने भनेको त्यहाँको जनताले होईन राजनितिक व्यक्तिले मात्रै हो : मन्त्री यादव

काठमाण्डौ – दुई नम्बर प्रदेशले कृषिलाई बढी भन्दा बढी प्राथमिकता दिइरहेको अर्थ मामिला तथा योजना मन्त्री विजय कुमार यादवले बताए ।

नेशनल पावर न्युजको पावरटकमा बोल्दै मन्त्री यादवले समगै राष्ट्रलाई अन्नमा समृद्ध बनाउने दुई नम्बर प्रदेशमा पहिलो प्राथमिकता कृषि रहेको र यस पछि अन्य विकास निर्माणका कार्यहरु पनि प्रभावकारी रुपले अगाडी बढाउन सदनमा कुरा चलिरहेको बताए ।

प्रदेश नम्बर दुईले सरकारको कुरा मान्दैन आफ्नै तरिकाले काम गर्दछ । सरकार प्रति अटेरी हुन्छ नी भन्ने प्रश्नमा सरकारका निति नियमहरुलाई चुनाव जितेर आएका सबै माननियहरुले कटीबद्ध भएर अनुसाशति भएर लागिरहेको बताए । मधेश भनेको मधेशीहरुको मात्रै नभएर त्यहाँ विभिन्न जातजाति र भाषा भाषिका मानिस बसोबास गर्दै आईरहेको र मधेश शान्तिपुर्ण रुपमा विकाशको बाटो तिर लागिरहेको मन्त्री यादवले बताए । साथै मधेश प्रदेश भनेर साम्प्रदायिक कुरा उठाउने भनेको त्यहाँको जनताले होईन राजनितिक व्यक्तिले मात्रै हो भने ।

मन्त्री यादवले असारे विकाशलाई समेत कटाक्ष गर्दै वर्षादमा गरिने विकाश वर्षाद सरहै केहि छिन मै वगेर जाने गरेकोले दिगो विकाश गर्न नसकिने हुदा अव आर्थिक वर्ष नै परिवर्तन गर्नुपर्ने देखिएको र यसको लागि प्रदेश नम्बर दुईको सदनमा कुरा चलिरहेको बताए प्रस्तुत छ यसै विषय संग सम्बन्धित कुराकानी भिडियो सहित ।